Smiley face
Smiley face
Smiley face

ژمارەی ئاوارەکانی کامپی عەین عیسا گەیشتە ٢٣ هەزار

2017-10-24 12:05:00



ڕۆژنیوز - ناوەندی هەواڵەکان

 

ژمارەی ئاوارەکانی کامپی عەین عیسا لە کانتۆنی کۆبانێی هەرێمی فورات، گەیشتووەتە ٢٣ هەزار ئاوارە، بەڕێوەبرایەتی کامپەکەش داوا لە ڕێکخراوە نێودەوڵەتییەکانی مافی مرۆڤ دەکات، کە چاوی لەسەر دۆخی ئاوارەکانی کامپەکە دانەخەن و هاوکارییان بکەن.

 

ڕۆژ لە دوای ڕۆژ، ژمارەی ئەو ئاوارانەی بەهۆی شەڕەوە لە دێرەزۆر، مەیادین و بوکەمەل-ەوە ڕوودەکەنە کامپی عەین عیسا زیاد دەکات، ئێستا زیاتر لە ٢٣ هەزار ئاوارە لەو کامپەدا دەژین.

 

بەڕێوەبەرایەتی کامەپەکە، ڕایگەیاندووە:هەشت هەزار ئاوارەی ئەو کامپە لە ڕەقەوە هاتوون کە ٩٣٠ چادریان بۆ دابین کراوە، ١٥ هەزاری دیکەش خەڵکی دێڕەزۆرن.

 

ئەوەش خراوەتەڕوو:ژمارەی ئەو ئاوارانەی ڕوودەکەنە کامپەکە، تا دەچێت زیاتر دەکات، ئێستا ١٣٠٠ چادر لە کامپەکەدا هەیە، بەهۆی کەمبوونی دەرفەتەکان ٢ هەزار کەس چادریان نییە تا ئێستا.

 

ڕاشیانگەیاندووە:سەرەڕای ئەوەی هەموو هەوڵمان دەدەین پێداویستییە سەرەکەییەکانی وەک خواردن، کەرەستەکانی مەتبەخ و نوێن بۆ خەوتن بۆ ئاوارەکان دابین بکەین، بەڵام دەرفەتەکانمان ئەوەندە نییە کە بتوانین بە هەموو ئاوارەکان ڕابگەین.

 

بەڕێوەبەرایەتی کامپەکە، داواشی لە ڕێکخراوە نێودەوڵەتییەکانی مافی مرۆڤ کردووە، کە چاوی لەسەر دۆخی ئاوارەکان لە کامپەکەدا دانەخەن و هاوکارییان بۆ بنێرێت، بۆ ئەوەی بتوانن بژین تا ئەو کاتەی دەگەڕێنەوە سەر ماڵەکانیان.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin