Smiley face
Smiley face
Smiley face

بەهۆی دەستدرێژی کردنە سەر کچێکی ١٢ ساڵ، خەڵکی ورمێ ناڕەزاییان دەربڕی

2017-10-24 11:37:52



ڕۆژنیوز - ناوەندی هەواڵەکان

 

پاش ئەوەی لە تۆڕە کۆمەڵایەتییەکاندا هەواڵی دەستدرێژیکردنی کارگوزاری خوێندنگایەک بۆسەر کچەخوێندکارێکی تەمەن ١٢ ساڵ لە یەکێک لە خوێندنگا سەرەتاییەکانی ورمێ بڵاوکرایەوە، خەڵکی شارەکە ڕژانە سەر جادەکان و ناڕەزاییان دەربڕی و بەشێکی خوێندنگەکەشیان سووتاند.

 

دوێنێ زیاتر لە ٢٠٠ هاوڵاتی شاری ورمێی ڕۆژهەڵاتی کوردستان، لەبەردەم خوێندنگای ڕاهی شوهەدا، لە گەڕەکی ئیسلام ئاباد گردبوونەوە و ناڕەزاییان پیشاندا بەرامبەر بە توندوتیژی لە ئاست منداڵاندا.

 

دوو ڕۆژ لەمەوبەر لە تۆڕە کۆمەڵایەتییەکاندا هەواڵێک بڵاوکرایەوە و ڕاگەیەندرا، کە کارگوزاری خوێندنگای ڕاهی شوهەدای شاری ورمێ دەستدرێژی سێکسیی کردووەتە سەر کچەخوێندکارێکی تەمەن ١٢ ساڵ.

 

هاوڵاتییان لە بەرامبەردا ڕژانە بەردەم ئەو خوێندنگایە و ناڕەزاییان پیشان دا و داوایان کرد بکەری ئەو تاوانە سزا بدرێت.

 

لە چوارچێوەی ناڕەزایی دەربڕینی هاوڵاتیاندا بەشێک لە بینای خوێندگای شوهەدا سووتێدنرا.

 

پۆلیسی ئێران بە هێرشکردنە سەر خۆپیشاندانەکە بڵاوەی بە گردبوونەوەکە کرد و ژمارەیەک لە هاوڵاتیانیشی دەستگیر کرد.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin