Smiley face
Smiley face
Smiley face

عەلی باپیر: زەرەر لەنیوە بگەڕێتەوە باشترە

2017-10-23 16:53:45



ڕۆژنیوز - ڕێزان محەمەد

 

گۆڕان و کۆمەڵی ئیسلامی لە شاری سلێمانی کۆبوونەوە، ئەمیری کۆمەڵی ئیسلامی ڕایدەگەیەنێت، گۆڕان و کۆمەڵ و هاوپەیمانی بۆ دیموکراسی و دادپەروەری پەیامێک بۆ چارەسەری ئەم دۆخە بڵاودەکەینەوەو وتیشی: زەرەر لەنیوە بگەڕێتەوە باشترە.

 

پێش نیوەڕۆی ئەمڕۆ، بە سەرپەرشتی عومەر سەید عەلی ڕێکخەری گشتی بزوتنەوەی گۆڕان و عەلی باپیر ئەمیری کۆمەڵی ئیسلامی، گۆڕان و کۆمەڵ لە مەکتەب سیاسی کۆمەڵ کۆبوونەوە.

 

دوابەدوای کۆبوونەوەکە، عەلی باپیر ئەمیری کۆمەڵی ئیسلامی لەکۆنگرەیەکی ڕۆژنامەنووسیدا ڕایگەیاند: ئەمڕۆ لەگەڵ بزوتنەوەی گۆڕان کۆبووینەوە، کە تێیدا گفتوگۆکرا دەرباری بارودۆخی کوردستان و ئەو بەڵا گەورەیەی کە بەسەر کوردستاندا هاتووەو ئەنجامدانی ڕیفراندۆم کە بەڕای شەخسی و حزبی بوو.

 

وتیشی: تاووتوێی بارودۆخەکەمان کرد، بەتایبەت سبەینێ کە پەرلەمانی کوردستان کۆدەبێتەوە.

 

ئەوەشی ڕاگەیاند: لەم کۆبونەوەدا گفتوگۆمانکرد کە کارێک بکەین زەرەر لەنیوە بگەڕێتەوە و ئەو بەڵایەی بەسەر میللەتدا هاتووە، تەنانەت ئەگەر تەواویش نەبێت، سوک بکرێت.

 

عەلی باپیر وتیشی:"بزوتنەوەی گۆڕان و کۆمەڵی ئیسلامی و هاوپەیمانی بۆ دیموکراسی و دادپەروەریش، بەناوی هەر سێ لایەنەکەوە دەمانەوێت پەیامێک بڵاوبکەینەوە، کە دواتر ئەنجامەکەی دەبینرێت".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin