Smiley face
Smiley face
Smiley face

ڕەقە لە مینە چێندراوەکانی چەتەکان پاکدەکرێتەوە

2017-10-23 10:18:00



ڕۆژنیوز - ڕەقە

 

تیمە تایبەتەکانی هێزەکانی سوریای دیموکرات-قەسەدە و یەکینەکانی پاراستنی گەل-یەپەگە بۆ پووچەڵکردنەوەی مین، هەڵمەتی پاککردنەوەی شاری ڕەقەیان لە مینە چێندراوەکانی چەتەکانی داعش دەستپێکردووە.

 

پاش ئەوەی فەرماندەیی هێزەکانی سوریای دیموکرات-قەسەدە، بە فەرمی ڕزگاربوونی تەواوەتی شاری ڕەقەی لە چەتەکانی داعش ڕاگەیاند، تیمە تایبەتەکانی یەپەگە و قەسەدە دەستیان کردووە بە پاککردنەوەی شارەکە لە پاشماوەکانی چەتەکان.

 

ئەگەرچی لە کاتی ئۆپەراسیۆنی ڕزگارکردنی شارەکەدا، بەشێکی زۆری ناوچە مین ڕێژکراوەکانی چەتەکانی داعش لەلایەن شەڕڤانان پوچەڵ کرانەوە، بەڵام بۆ پاراستنی هەرچی زیاتری گیانی هاوڵاتییانی ڕەقە، کە بەرە بەرە دەگەڕێنەوە ناو شارەکە، دوو تیمی تایبەتی یەپەگە و قەسەدە شارەکە دەپشکنن، بۆ پاککردنەوەی تەواوەتی مینە چێندراوەکانی چەتەکان.

 

شەڕڤانانی قەسەدە و یەپەگە، سەرەڕای ئەوەی هەموو هەوڵی خۆیان خستووەتە گەڕ بۆ پاککردنەوەی ڕەقە لە مینەکان، بەڵام بەهۆی نەبوونی کەرەستەی پێویست بۆ ئەو هەڵمەتە بە وردی، تووشی زەحمەتی زۆر دەبن.

 

ئەو شەڕڤانانە دەڵێن، کە چەتەکانی داعش لە هەموو گۆشەکانی شاردا مینیان چاندووە و ئەوانیش بەهۆی نەبوونی کەرەستەی پێویست، بۆ دۆزینەوەی هەموو ئەو مین-انە، کارەکەیان زۆر سەختە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin