Smiley face
Smiley face
Smiley face

بەشێک لە لایەنەکان: دەبێت بە گفتوگۆ کێشەکان چارەسەربکەین

2017-10-22 13:34:12



ڕۆژنیوز - قەرەچوغ ئەنوەر

 

کۆبوونەوەی بەشێک لە لایەنە سیاسییەکانی باشوری کوردستان کۆتاییهات و جەختیان لەسەر چارەسەرکردنی کێشەکان بە گفتوگۆیەکی بێ مەرج کردەوە.

 

دوای نزیکەی دوو کاتژمێر لە کۆبوونەوەی لایەنەکانی (یەکێتی، پارتی، شیوعی، یەکگرتوو، پارتی کرێکاران و ڕەنجدەران، نوێنەری پێکهاتەی تورکمان، نوێنەری پێکهاتەی کلد و ئاشورییەکان) و بەبێ بەشداریی گۆڕان و کۆمەڵ لەشاری ھەولێر، پاش نیوەڕۆی ئەمڕۆ لە کۆنگرەیەکی ڕۆژنامەنووسییدا ئەنجامی کۆبوونەوەکە خرایە ڕوو.

 

لە کۆنگرەکەدا، مەحمود محەمەد، وتەبێژی پارتی دیموکراتی کوردستان-عێراق ڕایگەیاند: دەبێت بەرپرسیارانە مامەڵە لەگەڵ دۆخەکە بکەین و بەزوویی چارەسەرکردنی کێشەکان بکرێتە خاڵی سەرەکی کارەکانمان بۆ ئەوەی بەھەموومان ئەم وڵاتە بگەیەنینە کەنار.

 

مەحمود محەمەد

 

هەروەها، سەعدی ئەحمەد پیرە، وتەبێژ و ئەندامی مەکتەبی سیاسی یەکێتی نیشتیمانی کوردستان ڕایگەیاند: دەبێت بەرامبەر نەیارەکانمان یەک ریزبین و رووبەڕووی تەحەداکان ببینەوە و ھیچ گفتوگۆیەکی مەرجدار لەگەڵ بەغدا قبوڵ ناکەین.

 

سەعدی ئەحمەد پیرە

 

ھەر لەو کۆنگرە رۆژنامەنووسییەدا، فەرھاد مەلا ساڵح، سەرۆکی ئەنجومەنی جێبەجێکاری یەکگرتووی ئیسلامی، وتی: دژی دوو ئیدارەییین و پێویستە بەگفتوگۆ سەرجەم کێشەکان چارەسەربکرێن.

 

فەرھاد مەلا ساڵح

 

ئەنجامدانی ڕیفراندۆمی باشوری کوردستان لە ٢٥/ئەیلول، ڕۆژی ١٦ی ئەم مانگە، چەکدارانی حەشدی شەعبی و سوپای عێراق، هیرشیان کردە سەر شاری کەرکوک و شارۆچکەی خورماتووی سەر بە پارێزگای سەلاحەدین و پاش شەڕێکی چەند کاتژمێریی، هێزی پێشمەرگە کشانە داووە و کەرکوک و خورماتوو و سەرجەم ناوچە دابرێندراوەکان کەوتنە دەست هێزی عێراق و ڕۆژی ٢٠ی ئەم مانگە-ش چوونە ناو شارەدێی پردێ-ی سەر بە پارێزگای هەولێر و تیایدا جێگیربوون، بەوهۆیەشەوە پەیوەندییەکانی نیوان هەرێم و بەغدا گرژییەکی زۆری تێکەوتووە.

 

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin