Smiley face
Smiley face
Smiley face

ئەندامانی خێزانی ئۆجالان سەردانی دادگای کۆماریی بورسایان کرد

2017-10-20 13:10:51



ڕۆژنیوز - ناوەندی هەواڵەکان

 

ئەندامانی خێزانی عەبدوڵڵا ئۆجالان، ڕێبەری پارتی کرێکارانی کوردستان- پەکەکە و خێزانی ئەو گیراوانەی پەکەکە کە لە ئیمرالی بەند کراون سەردانی داواکاریی گشتیی دادگای کۆماریی بورسایان کرد.

 

محەمەد و فاتمە ئۆجالان، برا و خوشکی عەبدوڵڵا ئۆجالان و برای عومەر خەیری کۆنار، خوشکی فەیسەل ئاکتاش و برای هامیلی یلدریم، ئەمڕۆ سەردانی داواکاریی گشتیی دادگای کۆماریی بورسایان کرد بۆ ئەوەی مۆڵەت وەربگرن بۆ سەردانی دوورگەی ئیمرالی و سەردانی ئۆجالان و زیندانییەکانی دیکەی ئەو زیندانە.

 

جێگای ئاماژەیە، کە لە ماوەی چەند ڕۆژی ڕابردوودا چەند هەواڵێکی مەترسیدار سەبارەت بە دۆخی تەندروستی و ئاسایشی عەبدوڵڵا ئۆجالان، ڕێبەری پەکەکە بڵاوکراونەتوە و بوونەتە هۆی نیگەرانیی لەڕادەبەدەری گەلی کورد لە چوار پارچەی کوردستان و سەرتاسەری جیهان.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin