Smiley face
Smiley face
Smiley face

سەرچەتەکانی داعش لە ڕێگای تورکیاوە هەڵدێن

2017-10-20 11:26:58



ڕۆژنیوز - ناوەندی هەواڵەکان

 

سەرچەتەکانی داعش پاش ئەوەی سەرەکیترین پێگەکەیان واتە ڕەقە، تێکشکا لە سوریاوە بەرەو تورکیا هەڵدێن.

 

ڕوانگەی سوریی بۆ مافەکانی مرۆڤ، لەسەر ماڵپەڕی فەرمی خۆیدا هەواڵێکی بڵاوکردووەتەوە و ئاشکرای کردووە، کە ژمارەیەک لە سەرچەتەکان داعش پاش تێکشکاندنی پێگەکانیان لە سوریاوە دەرچوون و چوونەتە خاکی تورکیاوە.

 

ڕێکخراوی ڕوانگەی سوری بۆ مافی مرۆڤ لە هەواڵێکدا کە لە سەر زاری سەرچاوە تایبەتەکانییەوە بڵاوی کردووەتەوە، ڕایگەیاندووە کە سەرچەتەکانی داعش لە هەفتەی ڕابردوودا لە دێرەزۆر و ڕەقەوە چوونەتە دیری فوراتی باکور و ڕۆژهەڵاتی حەلەب و لەوێشەوە بەرەو ناو خاکی تورکیا تێپەڕبوون.

 

ئەو سەرچاوانە ڕایانگەیاندووە، کە سەرچەتەکانیداعش بۆ ئەو کارە ٢٠ بۆ ٣٠ هەزار دۆلاریان داوەتە چەتەکانی سەربە تورکیا.

 

ڕوانگەی سوریی بۆ مافەکانی مرۆڤ هەروەها ڕایگەیاندووە، کە تا ئێستا سەدان چەتە وسەرچەتەی داعش چوونەتە ناو خاکی تورکیا و ئێستاش لە ناو تورکیادا دەمێننەوە.

 

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin