Smiley face
Smiley face
Smiley face

ژمارەیەکی زۆر ڕۆژنامەنووس لە تورکیا دەستگیر کران

2017-10-20 10:05:50



ڕۆژنیوز - ناوەندی هەواڵەکان

 

هێزەکانی پۆلیسی تورک هەڵیانکوتایە سەر ماڵی ژمارەیەکی زۆر ڕۆژنامەنووس لە شاری ئەنقەرە و دەستگیریان کردن.

 

سەرلەبەیانی ئەمڕۆ، پۆلیسی تورک لە ئەنقەرە هەكڵیانکوتایە سەر ماڵی ڕۆژنامەنووسان و ژمارەیەکی زۆر لە ڕۆژنامەنووسانی ئاژانسی هەواڵی 'ژن نیوز' و 'میزۆپوتامیا'یان دەستگیر کرد.

 

ڕاگەیەندراوە، کە سیبەل یوکلەر سەرنووسەری ژن نیوز، دۆیغو ئەرۆل و حەبیبە ئەرەن، ڕۆژنامەنووسانی ژن نیوز، دیرەن یورتسەڤەر و سەلمان گوزەلیوز، ڕۆژنامەنووسانی ئاژانسی هەواڵی میزۆپوتامیا و ژمارەیەکی دیکە کە ناویان ئاشکرا نەکراوە لەلایەن پۆلیسەوە دەستگیر کراون.

 

ڕۆژنامەنووسە دەستگیرکراوەکان پاش ئەوەی کۆنتڕۆڵی تەندروستی و پزیشکی کراون، ڕەوانەی بەڕێوەبەرایەتی ئاسایشی ئەنقەرە کراون.

 

جێگای ئاماژەیە، دوێنێش پۆلیسی تورک ژمارەیەکی زۆری چالاکوانانی سیاسیی لە ئەنقەرە و ئەستەنبۆل دەستگیر کردبوو.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin