Smiley face
Smiley face
Smiley face

پاش سێ ساڵ دەنگی میوزیک لە ڕەقەوە بیسترا

2017-10-20 09:43:54



ڕۆژنیوز - ڕەقە

 

پاش سێ ساڵ دەسەڵاتداریی و زۆرداریی چەتەکانی داعش بە سەر شاری ڕەقەدا، سەرئەنجام پاش تێکشکانیان لەلایەن شەڕڤانانەوە دەنگی میوزیک لە کۆڵانەکانی ڕەقەوە دەبیسترێت.

 

ئەگەرچی بەشێکی زۆری ڕەقە بەهۆی شەڕ و ئاڵۆزییەکانەوە کە چەتەکانی داعش نایانەوە وێران بووە، بەڵام هاوڵاتیانی ڕەقە خۆشحاڵن لەوەی شەڕڤانان چەتەکانیان وەدەرناوە و دەنگی میوزیک لە هەموو کۆڵان و شەقامەکانی ڕەقەوە دێت.

 

ڕۆژی ١٧ی مانگ دەنگی تەقە و ئاڵۆزیی شەڕ بە تێکشکانی بەتەواوەتی چەتەکانی داعش لە شارەکەدا کۆتایی پێهات و ئێستا دەنگی میوزیک جێگای گرتووەتەوە.

 

چەتەکانی داعش بۆ ماوەی سێ ساڵ هەموو ئاسەوارەکانی ژیانیان لە شارەکەدا سڕیبووەوە و هەموو دەرفەتێکیان لە خەڵک بۆ شادیکردن قەدەغە کردبوو.

 

ڕەقەی ڕزگارکراو خوشحاڵە و ڕزگاربوونی بە دەنگی بەرزی میوزیک پیرۆزدەکات.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin