Smiley face
Smiley face
Smiley face

ئاسایشی سلێمانی پەلاماری ڕۆژنامەنووسێکی ڕۆژنیوزیان دا

2017-10-19 16:24:24



ڕۆژنیوز - دانا عومەر

 

دوای ئەوەی ڕێگریی لە کۆبوونەوەی لیستی نەوەی نوێ کرا لە پارکی ئازادی، کۆمەڵێک هاوڵاتی بە مەبەستی ناڕەزایی دەربڕین شەقامی کانی ئاسکانی شاری سلێمانیان داخست، ئاسایشی سلێمانی بە زەبری هێز بڵاوەی بە خۆپیشاندەران کرد، هەروەها لەکاتی ڕووماڵدا پەلاماری ڕۆژنامەنووسێکی ڕۆژنیوز درا و بەزلـلەو لێدان سوکایەتی پێکرا.

 

پاشنیوەڕۆی ئەمڕۆ، بریار بوو لیستی نەوەی نوێ کۆبوونەویەکی جەماوەری لە پارکی ئازادی شاری سلێمانی بەڕێوەبەرێت، بەڵام ئاسایشی سلێمانی ڕێگری لێ کرد.

 

سۆران حسێن، پەیامنێری ئاژانسی ڕۆژنیوز، کە وەکو ڕۆژنامەنووسێک بۆ ڕووماڵکردنی گردبوونەوەکە لەوێ بوو بە ڕۆژنیوزی ڕاگەیاند: من خەریکی ڕووماڵی ڕۆژنامەوانی خۆم بووم، کاتێک ئاسایشەکان هاتن و بە شێوازێکی ناشیرین پەلاماریان دام و ئازاریان دام.

 

 

سۆران وتیشی: هەرچەندە پێموتن کە ڕۆژنامەنووسم و کاری خۆم دەکەم، بەڵام گوێیان لێ نەگرتم و بە زلـلە و لێدان پەلاماریان دام.

 

ئەوەشی وت:"من کە چوومە شوێنەکە بینیم هیچ میدیایەکی لێنییە، وەک ڕۆژنامەنووسێک بە مۆبایلەکەم ڕووماڵی نارەزایی گەنجانم کرد، لەکاتێکدا بەهەموو یاساکان وەک ڕۆژنامەنووسێک ئەو مافەم هەیە، بەڵام ئەوان وەک تیرۆرستێکیان دەستگیرکردبێت پەلاماریان دام و مۆبایلەکەشیان لێ وەرگرتم".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin