Smiley face
Smiley face
Smiley face

لە نێوان شەڕڤانانی یەپەگە و چەکدارانی حەشدی شەعبی شەڕ ڕوویدا

2017-10-18 14:09:09



ڕۆژنیوز - ڕەبیعە

 

پاش ئەوەی پێشمەرگەکانی پارتی ناوچەی ڕەبیعەی سەر بە موسڵ-یان چۆڵ کرد و ڕادەستی حەشدی شەعبییان کرد، لە نێوان چەکدارەکانی حەشدی شەعبی و شەڕڤانانی یەپەگە و یەپەژەدا شەڕ و پێکدادان ڕوویدا.

 

بەگوێرەی زانیارییەکانی ڕۆژنیوز، کاتێک چەکدارەکانی حەشدی شەعبی هەوڵیانداوە بچنە سەر دەروازەی سەر سنووری شاری تەل کۆچەر کە کەوتووەتە نێوان ڕەبیعە و ڕۆژئاوای کوردستانەوە، لە نێوان ئەو چەکدارانە و شەڕڤانانی یەپەگە و یەپەژەدا شەڕ و پێکدادان ڕوویداوە.

 

پاش شەڕ و ئاڵۆزییەکی کورت لە ناوچەکەدا، لەنێوان هەردوولایەندا کۆبوونەوەیەک ئەنجامدرا و ئاڵۆزییەکان کۆتایی پێهات.

 

جێگای ئاماژەیە، کە خاڵی سنووری نێوان ڕەبیعە و تەل کۆچەر لە ژێر کۆنتڕۆڵی هێزەکانی حەشدی شەعبیدایە و لایەنی ڕۆژئاوای ئەو خاڵە سنوورییەش لە دەستی شەڕڤانانی یەپەگە و یەپەژەدایە.

 

ڕ.م



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin