Smiley face
Smiley face
Smiley face

تەڤگەری ئازادیی: ئێمه‌ ئه‌و هێرشانه‌ وه‌ك هێرشێكی داگیركاریی ده‌بینین

2017-10-18 13:37:14



ڕۆژنیوز – ناوەندی هەواڵەکان

 

تەڤگەری ئازادیی کۆمەڵگای کوردستان سەبارەت بە دۆخی کەرکوک و دوزخورماتوو ڕایدەگەیەنێت کە ئەوان ئەو هێرشانە وەک هێرشێکی داگیرکاریی دەبینن.

 

ئەمڕۆ، تەڤگەری ئازادیی کۆمەڵگای کوردستان، سەبارەت بە دۆخی کەرکوک و دوزخورماتوو و داقوق و دوبز، ڕاگەیاندراوێکی بڵاو کردەوە و تێیدا هێزەکان و دەسەڵاتی هەرێمیان شەرمەزار کردووە.

 

لە بەشێکی ڕاگەیاندراوەکەدا هاتووە: ئیمه‌ ئه‌و هێرشانه‌ وه‌ك هێرشێكی داگیركاری ده‌بینین و ئه‌قڵی نه‌ته‌وه‌ په‌رستی و تائیفی پێشده‌خات و پێویسته‌ رێگری لێبكه‌ین، ئیدانه‌ی ئه‌و شه‌ڕه‌ داگیركارییه‌ ده‌كه‌ین و له‌هه‌مانكادا شه‌رمه‌زاری هێزه‌كانی ده‌سه‌ڵاتی هه‌رێمی كوردستان ده‌كه‌ین، كه‌له‌ كۆبونه‌وه‌ داخراوه‌كاندا و به‌پیلانی داگیر كه‌ران هه‌ر رۆژ به‌شێكی كوردستان ده‌فرۆشرێت یان له‌ هه‌نگاوی هه‌ڵه‌ی سیاسه‌تی ده‌سه‌ڵاتی باشوردا ئه‌وئه‌نجامانه‌ی لێده‌كه‌وێته‌وه‌ كه‌ دواتریان ئه‌نجامدانی ڕیفراندۆم بوو.

 

هەروەها ئەوەش هاتووە: ئێمه‌ هه‌رزوو ئه‌م دۆخه‌مان له‌ به‌رچاو بوو، بۆیه‌ بایكۆتی ڕیفراندۆممان كردو وتمان نا بۆ ڕیفراندۆم، ئیستاش باجی ئه‌و هه‌ڵانه‌ گه‌له‌كه‌مان ده‌یدات، چه‌ندین پیشمه‌رگه‌ و گه‌ریلا و خه‌ڵكی خۆبه‌خش شه‌هید و برینداربوون، به‌شێكی زۆریش ئاواره‌بوون و ماڵه‌كانیان تاڵان ده‌كرێت و ده‌سوتێندرێت، له‌ ئاستی شه‌هیداندا سه‌رداده‌نه‌وێنین و هیوای زوو چاكبونه‌وه‌ بۆ برینداره‌كان ده‌خوازین.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin