Smiley face
Smiley face
Smiley face

ڕەقە لانکەی کۆنفیدڕاڵییە ... دۆسیە

2017-10-18 12:17:10



ڕۆژنیوز – ناوەندی هەواڵەکان

 

 ڕەقە کە چەتەکانی داعش بە پایتەختی خەلافەتەکەیان ناوزەدیان دەکرد لەلایەن شەڕڤانانەوە ڕزگارکرا، بە ڕزگارکردنی ڕەقە مەترسیی تیرۆر لەسەر جیهان لابرا و و سەرەکیترین هەنگاو نرا بۆ دامەزراندنی سوریایەکی فیدڕاڵ.

 

شاری ڕەقە کەوتووەتە دووریی ١٦٠ کیلۆمەتریی ڕۆژهەڵاتی حەلەبەوە، لە کاتی دەسەڵاتداریی ڕژێمی بەعس دا وەک پارێزگایەک دەناسرا، شارەکانی کۆبانێ و گرێ سپی سەر بە پارێزگایە بوون.

 

بەگوێرەی ئامارێک کە لە ساڵی ٢٠١١دا بڵاوکراوەتەوە، ژمارەی دانیشتووانی ڕەقە ٩٤٤ هەزار هاوڵاتی بووە، کە زۆربەی دانیشتووانی عەرەب بوون، بەڵام کوردیش لەو شارەدا نیشتەجێ بوون، هەموو دانیشتووانی ڕەقە موسڵمانی سوننە بوون.

 

شێوازیی ژیانی عەشیرەیی لە ڕەقە باڵادەستە، بەناوبانگترین عەشیرەتەکانی ڕەقە بریتین لە: جێش، البو سەرایا، البو ئەساف، البو هەمید، ئەمیرالبو شەیان، موسا زاهیر، خانم زاهیر، کەواتی، بیرێج، خول، جەماسە، بەجری کەرامە، کوێدر و شیەب.

 

چەند عەشیرەتێکی کوردیش وەک، عەشیرەتەکانی ملی، بەرازی و سوراین لەو شارەدا دەژین.

 

لە سەدەکانی ناوەڕاستدا، واتە لە ساڵی ١٥١٨دا کۆنفێدڕاڵییەکی ملی لە ڕەقەدا دامەزرا کە هەموو گەلانی ناوچەکە بۆیان هەبوو تێیدا بژین و لە چوارچێووەیەدا بو: دەرکران، دواتر ئەو کۆنفیدڕاڵییە لەلایەن عوسمانییەکانەوە داگیرکرا.

 

ڕەقە لە ساڵی ٢٠١٣دا هەزاران چەتەی نوسرە و تەحریری شام و سوپای ئازاد چوونە ناو شارەکەوە ڕەقەیان لە چنگی ڕژێمی ئەسەد دەرهێنا، لە مانگی ١٢ی ساڵی ٢٠١٤دا چەتەکانی داعش ئەو شارەیان داگیرکرد و بە پایتەختی خۆیان ناوزەدیان کرد.

 

گەلانی ناو شاری ڕەرقە پاش داگیربوون لەلایەن چەتەکانەوە کەوتنە دۆخێکی زۆر سەختەوە، بانگەوازیی هێزەکانی سوریای دیموکراتییان کرد کە شارەکە لە چنگی چەتەکانی داعش ڕزگار بکەن، هەر لە سەر ئەو بانگەوازییەش هێزەکانی سوریای دیموکرات ڕۆژی ٥ی ١١ی ٢٠١٦ ئۆپەراسیۆنی تووڕەیی فوراتیان دەستپێکرد.

 

سەرئەنجام دوێنێ لە ئەنجامی تێکۆشان و قارەمانێتی شەڕڤانانی هێزەکانی سوریای دیموکرات و  ڕژانی خوێنی سەدان شەهید لە چنگی چەتەکانی داعش ڕزگارکرا و درایە دەستی ئەنجومەنی مەدەنی ڕەقە.

 

ڕ.م



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin