Smiley face
Smiley face
Smiley face

سەرۆکی پەرلەمان: گەورەترین خزمەت بارزانی بەرامبەر گەلەکەی بیکات وازهێنانه‌

2017-10-18 08:33:12



ڕۆژنیوز – ناوەندی هەواڵەکان

 

سەرۆکی پەرلەمانی هەرێمی کوردستان، ڕایدەگەیەنێت:"گەورەترین خزمەتێک که‌ بەڕێز بەرزانی ده‌توانێت به‌رامبه‌ر گه‌له‌که‌ی بیکات، گرتنه‌ ئه‌ستۆی به‌رپرسیارێتی و وازهێنانه‌".

 

درەنگانی شەوی ڕابردوو، د.یوسف محەمەد، سەرۆکی پەرلەمانی هەرێمی کوردستان پەیامێکی ڤیدیۆیی سەبارەت بەڕەوشی کەرکوک و ئەو ناوچانە بڵاوکردەوە، حەشدی شەعبی و سپای عێراق دەستیان بەسەردا گرت.

 

یوسف محمەد، لە پەیامەکەیدا وتی:"ئەمڕۆ گەرچی ڕۆژێکی تراژیدییه‌ بۆ هەموو کوردستانیان، نەک تەنها لە باشوری کوردستان بەڵکو لە پارچەکانی تری کوردستانیش، کە هیوایەکی گەورەیان لەسەر ئەزمونی ئێمە هەڵچنی بوو،بەڵام نابێت تەنهاخەمناک و دڵتەنگ بین. ڕۆژی لەم جۆرە، لە مێژووی هەموو گەلانی جیهاندا بوونی هەبووە و بوونی دەبێت".

 

هەروەها، وتی:"ئەوەی ئێمە لە خەڵکانی تر جودا دەکاتەوە ئەوەیە کە ئێمە ئایا ئێمە ئەتوانین بەجۆڕێک خۆمان و هوشیاریمان و واقیعمان بگۆڕین، کە جارێکی تر نسکۆی وامان بە سەرماندا نەیەتەوە و بە ئیرادەیەکی بەهێزەوە هەستینەوە؟ ئێستا ئیتر ئەمە سەنگی مەحەکە: ئایا ئێمە درێژە دەدەین بەهەمان مۆدێلی شکستخواردوو یان دەتوانین مۆدێلێکی سەرکەوتووی نوێ دروست بکەین".

 

یوسف محەمەد، وتیشی:"چەند ساڵێکە ئێمە لە کوردستان دەسەڵاتێکی لەرزۆکمان هەیە لە هەموو ڕوویەکەوە، دەسەڵاتێک کە تەنها لە ئازاردان و قەیران دروستکردن و خۆ تەرخانکردن بۆ بەدیهێنانی خەونی شەخسیدا چالاکە.، نەک هەر له‌ لایه‌ن خەڵکی کوردستان کە بەدەستیەوە دەیناڵاند بەڵکو هەتا دێت لە دونیادا ناشیرینتر و تەریک دەبێت". 

 

ناوبراو، :"پێویسته‌ دان به‌وه‌دا بنێین که‌ ئێمە ئەمرۆ شکستمان هێنا، خەڵکانێکی تایبەتیش بەرپرسن لەم شکستە، ئەرکی هەوموشمانە هەڵوێستمان هەبێت،ئەرکی هەمومانە ئەو بنەمایانە هەڵتەکێنین کە ئێمەیان لە ڕابوردوو و لە ئێستادا بەم دۆخە گەیاند".

 

یوسف محەمەد بە هاوڵاتیان و خەڵکی کەرکوکی وت:"هەموومان پێکەوە قوربانیی دەستی نوخبەیەکی سیاسیین، کە لە بری بەکارهێنانی سامان و خێری وڵات بۆ دەوڵەتداری و خۆشگوزەرانی بۆ هێنانەئارای بنەماکانی حوکمڕانییه‌کی سەردەمیانە، سامانی وڵات بە هەدەر دەبەن و تاڵانی ئەکەن و، بۆ گەورەکردنی ده‌سه‌ڵاتی خۆیان بەکاری دەبەن"‌.

 

سەرۆکی پەرلەمان جەختدەکاتەوە"شکستی ئه‌مڕۆمان له‌ ئه‌ستۆی ئه‌و ده‌سته‌بژێره‌ حوکمڕانه‌یه‌ کە دەزگا و یاسا و ڕای خەڵک و سیستەم و خواستی کۆمەڵگای نێودەوڵەتیی وەلاوە ناو و دوای حه‌ز و خولیا و سه‌رکێشیی شه‌خسی که‌وتن، به‌ تایبه‌ت به‌ڕێز مه‌سعود بارزانی که‌ به‌ شێوه‌ی شه‌رعی و ناشه‌رعی وا بۆ دوانزه‌ ساڵه‌ له‌ سه‌ره‌وه‌ی هه‌ڕه‌می ده‌سه‌ڵاتی هه‌رێمه"‌. 

 

د.یوسف محەمەد، سەرۆکی پەرلەمانی هەرێمی کوردستان، راشیگەیاند:"ئەمڕۆ، گەورەترین خزمەتێک که‌ بەرێز بەرزانی ده‌توانێت به‌رامبه‌ر گه‌له‌که‌ی بیکات، گرتنه‌ ئه‌ستۆی به‌رپرسیارێتی و وازهێنانه‌، په‌یامی من بۆ کاک مه‌سعود ئه‌وه‌یه‌ که‌ به‌ڕێزم سه‌رباری ئه‌وه‌ی جه‌نابتان و خانه‌واده‌ به‌ڕێزه‌که‌تان وه‌ک سه‌دان هه‌زار هاوڵاتیی گه‌له‌که‌مان خاوه‌نی مێژویه‌ک له‌ قوربانیدانن، به‌ڵام کاتیه‌تی دان به‌ هه‌ڵه‌ و شکسته‌کانتان بنێن که‌ قورس له‌سه‌ر گه‌له‌که‌مان که‌وتون، لێگه‌ڕێن با گه‌له‌که‌مان خۆی داهاتوی خۆی دیاری بکات، نه‌ک داهاتووه‌که‌ی ببه‌ستنه‌وه‌ به‌ حه‌ز و ویست و چاره‌نوسی خۆتانه‌وه"‌.

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin