Smiley face
Smiley face
Smiley face

بەهۆی ناکۆکییەکانی هەولێر و بەغدا ئەڵمانیا ڕاهێنانی بە هێزەکانی پێشمەرگە ڕاگرت

2017-10-17 11:27:07



ڕۆژنیوز - ناوەندی هەواڵەکان

 

وتەبێژی وەزارەتی بەرگری ئەڵمانیا ڕایگەیاند، ئەڵمانیا لەڕۆژی هەینی ڕابردوەوە بەمەبەستی پاراستنی سەربازەکانیان لەو هەلومەرجە ئاڵۆزەی کە ئێستا ناوچەکە پێیدا تێپەڕدەبێت بەشێوەیەکی کاتی مەشق و ڕاهێنانی پێشمەرگەیان ڕاگرتووە.

 

کەناڵی فەرمی ئەڵمانیا ARD لە ڕیپۆرتاژێکدا لەسەر ئۆپەراسیۆنی هێزەکانی عێراق لەکەرکوک بڵاویکردەوە، لە کوردستان هێزەکانی حکومەتی عێراق و پێشمەرگە لەبری شەڕی داعش شەڕی یەکتردەکەن و مەترسی ئەوەش هەیە شەڕی ناوخۆی بەدوادابێت و هەزاران کەس ئاوارەبێت حکومەتی ئەڵمانیاش مەشق و ڕاهێنانی بەپێشمەرگە ڕاگرت.

 

دێرشپیگل، کە هەفتەنامەیەکی ئەڵمانیە نوسیویەتی: دوای ئەوەی کەهەینی ڕابردوو حکومەتی ئەڵمانیا  بۆ پاراستنی بێلایەنی خۆی لەململانێی هەرێم و بەغدادا بڕیاری ڕاگرتنی مەشقی پێشمەرگەی دا، ڕۆژی دووشەممە "فولکر ویکر"ی پشکنەری گشتی وەزارەتی بەرگری ئەڵمانیا بەڕاوێژ لەگەڵ ئۆرسۆلا فۆن دێرلاینی وەزیری بەرگری ئەلمانیدا ئەو هەواڵەی پشتڕاست کردەوە.

 

وتەبێژی وەزارەتی بەرگری ئەڵمانیا ئێوارەی دووشەممە ١٦ی تشرینی یەکەم بەئاژانسی هەواڵی ئەڵمانی ڕاگەیاند ئەڵمانیا لەڕۆژی هەینی ڕابردووەوە بەمەبەستی پاراستنی سەربازەکانیان لەو هەلومەرجە ئاڵۆزەی کەئێستا ناوچەکە پێیدا تێپەڕ دەبێت بەشێوەیەکی کاتی مەشق و ڕاهێنانی پێشمەرگەیان ڕاگرتووە.

 

بۆ ڕوبەڕوبونەوەی ڕێکخراوی تیرۆرستی داعش پسپۆڕانی سوپای ئەڵمانیا لە ٢٠١٤ وە مەشق و ڕاهێنان بەپێشمەرگە دەکەن.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin