Smiley face
Smiley face
Smiley face

ڕەقە، ٢٧٥ چەتەی داعش خۆیان ڕادەستی شەڕڤانان کرد

2017-10-15 19:50:39



ڕۆژنیوز – ناوەندی هەواڵەکان

 

دوای هەوڵدانی شێخ و ڕیش سپییەکانی ڕەقە لەگەڵ ئەنجومەنی مەدەنی شاری ڕەقەو، هێزەکانی سوریای دیموکراتدا، ٢٧٥ چەتەی داعش خۆیان ڕادەستی شەڕڤانانی هێزەکانی سوریای دیموکرات کرد.

 

ئەمڕۆ ٢٧٥ چەتەی داعش و خێزانەکانیان، کە هاوڵاتی سوریان، لە ناوەندی شاری ڕەقە خۆیان ڕادەستی شەڕڤانان کرد.

 

ئەوە لەکاتێدایە، ماوەیەک لەمەوبەر، لە هەوڵێکی هاوبەشدا، سەرۆک عەشیرەتەکان و ڕیش سپییەکانی ناو شاری ڕەقە، لەگەڵ ئەنجومەنی مەدەنی ڕەقەدا کۆببوونەوەو ڕایانگەیاندبوو، کە نایانەوێت چیتر خوێن بڕژێت و دەبێت هەموو هەوڵەکان بۆ وەستانی شەڕ بدرێت.

 

پاش کۆبوونەوەیان لەگەڵ ئەنجومەنی مەدەنی شاری ڕەقە، توانیان لەگەڵ شەڕڤانانی سوریای دیموکرات- قەسەدە،دا پەیوەندی درووستبکەن، لەو چوارچێوەیەدا ئەمڕۆ ٢٧٥ چەتەی داعش لەگەڵ خێزانەکانیاندا، کە هەموویان هاوڵاتی سوریا-ن، خۆیان ڕادەستی شەڕڤانان کرد.

 

جێگای ئاماژەیە، لەکاتی خۆ ڕادەستکردنەوەی چەتەکاندا، شێخ و ڕیش سپییەکانی ڕەقە ئامادەبوون.

 

ئۆپەراسیۆنی ڕزگارکردنی شاری ڕەقە، کە بە پایتەختی خەلافەتی چەتەکانی داعش دادەنرا، لە ٦ی حوزەیرانەوە دەستیپێکردووەو بەشێکی زۆر کەم ماوە بەتەواوی لە داعش پاک بکرێتەوە، هەروەها دەیان هەزار هاوڵاتیش لەلایەن شەڕڤانانەوە لە لەدەست داعش ڕازگارکراون و براونەتە شوێنە ئارامەکان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin