Smiley face
Smiley face
Smiley face

پێنج ژن لە زیندانی ورمێ مانیان لە خواردن  گرت

2017-10-14 10:16:56



ڕۆژنیوز- ناوەندی هەواڵەکان

 

لە زیندانی ناوەندی ورمێی ڕۆژهەڵاتی کوردستان، پێنج ژنی زیندانیی بەهۆی پێشێلکارییەکانی بەڕێوەبەران و پاسەوانەکانی ئەو زیندانە بەرامبەر بە زیندانیانی بەندی ژنان، مانیان لە خواردن گرت.

 

بەگوێرەی هەواڵێکی تۆڕی مافی مرۆڤی کوردستان  سێ ڕۆژ پێش ئێستا پاسەوانەکانی زیندانی ورمێ هەڵیانکوتاوەتە سەر بەندی ژنانی زیندانی ورمێ لە ڕۆژهەڵاتی کوردستان و زیندانییەکانیان ئەشکەنجەداوە، لە بەرامبەردا پێنج ژن لەو زیندانەدا لە دوێنێوە مانیان لە خواردن گرتووە.

 

لە هەواڵەکەدا هاتووە، کە ئەو پاسەوانانە بە بەهانەی پشکنینی ژوورەکان ڕژاونەتە ناو ژوورەکانی بەندی ژنان و کەلوپەلی شەخسیی زیندانیانی ژن گەڕاون و ئەو زیندانیانەی وا ڕێگایان پێنەداوەن، ئەشکەنجە دراون و بێڕێزییان پێکراوە.

 

لە بەرامبەردا پێنج ژن بە ناوەکانی ئاڕاستە ڕەنجبەر، محەبەت محەمەدی، زەینەب سەکاوەند، نازدار وەتەن خاهـ و نەسرەت عەلی نەژاد لە دوێنێوە مانگرتن لە خواردنیان ڕاگەیاندووە.

 

جێگای ئاماژەیە، ە مانگرتن لە خواردنی ئەو ژنە زیندانیانە لە کاتێکدایە، کە محەمەد نەزەری، زیندانی سیاسیی کورد ماوەی ٧٨ ڕۆژە لە زیندانی ڕەجایی-شاری شاری کەرەجی ئێراندا بەمەبەستی بەدواداچوون بە کەیسەکەیدا مانی لە خواردن گرتووە و دۆخی تەندروستی زۆر ناجێگیرە، هەتاکو ئێستاش هیچ وەڵامێک لەلایەن لایەنە بەرپرسارەکانەوە بە داواکارییەکانی نەزەری نەدراونەتەوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin