Smiley face
Smiley face
Smiley face

چەتەکانی داعش لە دێرەزۆر کۆمەڵکوژییەکیان ئەنجام دا

2017-10-13 09:43:20



ڕۆژنیوز - ناوەندی هەواڵەکان

 

چەتەکانی داعش لە ناو هاوڵاتییانی مەدەنیی دێرەزۆر-دا ئۆتۆمبێلێکی بۆمبڕێژکراویان تەقاندەوە و لە ئەنجامدا ژمارەیەک هاوڵاتییان کوشت و بریندار کرد.

 

کاتژمێر ٠٦:٣٠ خولەکی ئێوارەی دوێنێ، لە سەر ڕێگای خورافی کە کەوتووەتە سەر ڕێگای نێوان دێرەزۆر و حەسەکە-وە، چەتەکانی داعش بە ئەنجامدانی کردەوەیەکی تیرۆریستی بوونەهۆی کوژران و برینداربوونی ژمارەیەکی زۆری هاوڵاتییان مەدەنی.

 

لەو تەقینەوەیەدا کە لە ڕۆژهەڵاتی ڕووباری فورات ئەنجام درا، ژمارەیەک لە هاوڵاتییان بوونە قوربانی کە لە ناوچەکانی ژێر دەسەڵاتی ڕژێمی سوریا ڕایان کردبوو و بەنیازبوون خۆیان بگەیەننە هێزەکانی سوریای دیموکرات.

 

لە ئەنجامی ئەو تەقینەوەیەدا ژمارەیەکی زۆر لە هاوڵاتییانی مەدەنی کوژران و ژمارەیەکی دیکەش بریندار بوون.

 

 پاش ڕوودانی تەقینەوەکە شەڕڤانانی هێزەکانی سوریای دیموکرات و هێزەکانی ئاسایش خۆیان گەیاندە شوێنی تەقینەوەکە و تەرم و بریندارەکانیان گواستەوە بۆ نەخۆشخانەی شاری حەسەکە.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin