Smiley face
Smiley face
Smiley face

لە ڕووداوێکی هاتوچۆدا دوو ژن گیانیان لەدەستدا و ژن و پیاوێکیش بریندار بوون

2017-10-12 18:42:54



ڕۆژنیوز ـ هاوڕێ کرێکار 

 

لەڕووداوێکی هاتوچۆدا، لە سنووری شارەدێی قەرەتەپە، دوو ژن گیانیان لەدەستدا و دوو کەسی تریش بەسەختی برینداربوون. 

 

پێش نیوەڕۆی ئەمڕۆ، لە سنووری شارەدێی قەرەتەپەی سەربە شارۆچکەی خانەقین، بەهۆی پێکدادانی دوو ئوتۆمبیل چوار کەس بوونە قوربانی. 

 

ڕائید عەلی جەمال قەدوری، بەڕێوەبەری ڕاگەیاندنی بەڕێوەبەرایەتی پۆلیسی گەرمیان، بە ڕۆژنیوزی وت: لە سەر ڕێگای سەرەکی نێوان، شارۆچکەی کفری و شارەدێی قەرەتەپە، لە نزیک گوندی قەرەیاتاغ، دوو ئۆتۆمبیل لە جۆری ناڤارا و سدریک پێکیان دادا و چوارکەس بوونە قوربانی. 

 

 

عەلی جەمال وتیشی: لە ڕووداوەکەدا، دوو ژن گیانیان لەدەست داوە، کە سەرنشینی ئۆتۆمبیلە سدریکەکە بوون، سەرنشینێک و شۆفێری ناڤاراکەش کە ژن و پیاوێکن، بەسەختی بریندار بوون، دوای گەیاندنیان بە نەخۆشخانەی فریاکەوتنی شەهید هەژار، بەهۆی سەختیی برینەکانیانەوە، ڕەوانەی سلێمانی کران. 

 

هەروها ناوبراو باسی لەوەش کرد، ڕووداوەکە بەهۆی تیژڕەویی و لەدەستدانی کۆنترۆڵ بووە، ئەوانەشی گیانیان لەدەستداوە ناویان (حەمدیە مەهدی کەریم)لەدایکبووی 1967 و (ئیسرا عبدوڵاحوسێن) لەدایکبووی 1968ن. 

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : r[email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin