Smiley face
Smiley face
Smiley face

لەسەر دار بڕین شەڕی دوو بنەماڵە دروستبوو و ژنێك كوژرا

2017-10-12 16:08:35



ڕۆژنیوز- زاهیر ئیبراهیم

 

بەهۆی شەڕی نێوان دوو بنەماڵە لەسەر دار بڕین، ژنێكی تەمەن 18 ساڵان فیشەکێکی بەركەوت و دەستبەجێ گیانی لەدەست دا، پۆلیسی سۆرانیش ڕایدەگەینێت یەكێك لە تەقەكەرەكان دەستگیر كراوە .

 

سەرلەبەیانی ئەمڕۆ، لە شارەدێی سیدەكانی سەر بە شارۆچكەی سۆرانی سەر بە پارێزگای هەولێر، لەسەر داربڕین کێشەیەک دروست بوو لەنێوان دوو بنەماڵەدا، بەهۆیەوە تەقە كرا، لە ئەنجامدا ژنێكی تەمەن 18 ساڵان كوژرا.

 

هاوار ئەرگۆشی، وتەبێژی پۆلیسی سۆران بە ڕۆژنیوزی ڕاگەیاند:"لەنێون دووبنەماڵەدا شەڕ ڕوویدا لەسەر كێشەی داربڕین، بەداخەوە لە ئەنجامی تەقەكردن لە لایەن یەكێك لە بنەماڵەكانەوە ژنێك كوژرا كە تەمەنی 18 ساڵانە".

 

هاوار ئەرگۆشی، وتیشی:"دەستبەجێ تیمەكانی پۆلیس گەیشتنە شوێنی رووداوەكە و توانیان شەڕەكە بوەستێنن، یەكێك لە تەقەكەرەكانیش دەستگیر بكەن، ئێستا پۆلیس بەدوای دەستگیركردنی تۆمەتبارەكانی دیکەوەیە، لەلایەن بەڕێوەبەرایەتییەكەمان پەڕاوی لێكۆڵینەوە بۆ ڕووداوەكە كراوەتەوە و تەرمی ژنەكە بۆ پشكنین ڕەوانەی پزیشیكی دادی سۆران كراوە".

 

جێگەی باسە ماوەی چەند ڕۆژێكە بەهۆی گرانیی نرخی نەوت و دابەش نەكردنی بەشە نەوتی هاوڵاتیان، لە ناوچە شاخاوییەکانی باشوری كوردستان هاوڵاتیان بۆ وەرزی زستان بە شێوەیەكی بەرچاو ڕوویان لە داربڕین كردووە .

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin