Smiley face
Smiley face
Smiley face

ژنانی ئەمریکای لاتین لە بارەی ژنۆلۆژییەوە کۆبوونەوە

2017-09-26 13:11:54



ڕۆژنیوز - ناوەندی هەواڵەکان

 

لە چوارچێوەی زنجیرەکۆبوونەوەکانی ژنۆلۆژی (زانستی ژن)دا لە ئەرجەنتین بە ئامادەبوونی ٨٠ ژن لە چالاکوانانی ژنی سەرتاسەری جیهان، کۆنفرانسێک بەڕێوەچوو.

 

لەو کۆنفرانسەدا کەماوەی دوو ڕۆژی خایاند، باس لە مێژووی ژن کرا و چەند چالاکییەکی هونەری بەڕێوەچوو، سینەفزیۆنێکیش لەبارەی ساکنە جانسزەوە نمایشکرا.

 

لەو کۆنفرانسەدا کە ژنانی کورد تێیدا بەشداربوون، ژنان لە ئەرجەنتین، هۆندوراس، شیلی، ئوروگۆای و کۆڵۆمبیا و هەروەها ژنانی بزوتنەوەی ئۆتۆنۆم و ژنەئەکادمیسییەکان ئامادەبوون.

 

لە ڕۆژی یەکەمدا زیلان دیار باسی مێژووی بزوتنەوەی ژنانی کوردی کردو قۆناغی گۆڕانی شرۆڤەکرد بۆ جووڵانەوەکانی ژنان.

 

ئێوارەی ڕۆژی یەکەم گۆرانیی ئیسپانیۆلی و کوردی پێشکەشکرا، ڕۆژی دووەم سینەفزیۆنێک لە بارەی ساکینە جانسزەوە نمایشکرا، پاشان ڕەخنەکانی ژنۆلۆژی لە سەر زانستی کۆمەڵگایی و میتۆدەکانی وترایەوە.

 

جێگای ئاماژەیە، کە عەبدوڵا ئۆجالان، ڕێبەری پەکەکە داهێنەری باسی ژنۆلۆژییە لە فەلسەفەی سیاسیدا و ڕۆژ لەدوای ڕۆژ ئەو بابەتە زیاتر لە جیهاندا پەرە دەستێنێت و کارو تێکۆشانەکان بۆ بڵاوکردنەوەی ئەو بیروبۆچوونانە لەبارەی ژنانەوە بەرفراوانتر دەبنەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin