Smiley face
Smiley face
Smiley face

هەدەپە: پێویستە بارزانی ڕووی ڕاستی ئاکەپە ببینێت

2017-09-26 12:07:42



ڕۆژنیوز - ناوەندی هەواڵەکان

 

ئەحمەد یلدرم، سەرۆکی فراکسیۆنی پارتی دیموکراتی گەلان- هەدەپە لە پەرلەمانی تورکیا، بابەتی ڕیفراندۆمی باشوری کوردستانی نرخاندو باسی لەو ەکرد، کە پێویستە بارزانی هەڵوێستی نەتەوەیی پیشان بدات و ڕووە ڕاستییەکەی ئاکەپە ببینێت.

 

ئەحمەد یلدرم لە لێدوانێکدا کە بۆ ئاژانسی هەواڵی میزۆپوتامیا سەبارەت بە ریفراندۆمی هەرێمی کوردستان و هەڕەشەکانی وڵاتانی درواسێ قسەیکردووەو کاردانەوەکانی تورکیا نرخاندووە.

 

یلدرم وتی:"لەنێوان هەڵوێستی حکومەتی عێراق و ئێران و تورکیا بەرامبەر بە ڕیفراندۆم جیاوازیی سەرەکی هەیە، حکومەتی عێراق دیارە بۆ پاراستنی یەکپارچەیی خاکەکەی دژایەتی ڕیفراندۆم دەکات، بەڵام دژایەتی ئێران و تورکیا بە چ هۆکارێکە؟، ئێران و تورکیا تەنیا دەیانەوەێت ببنە ئاستەنگ لە بەرامبەر سەربەخۆیی، چونکە هەرگیز مافی نەتەبوونی گەلی کوردیان بە ڕەوا نەزانیوە، تورکیا لەوە دەترسێت کە لە باکوری کوردستانیش رووبدات و بۆیەشە ڕێککەوتنی لەگەڵ ئێڕان بۆ دژایەتی کورد چڕوپڕتر کردووەتەوە".

 

یلدرم لە بەردەوامی قسەکانیدا وتی:کە پێویستە بارزانی ڕووی ڕاستیی ئاکەپە ببینێت و هەڵوێستی نەتەوەی بگرێت، کاردانەوەکانی تورکیا دەیسەلمێنێت کە تا چ ڕادەیەک ڕەگەزرپەرستن و چۆن هیچ دەستکەوتێکی کوردیان پێ تەحەمول ناکرێت، بەڵام بارزانی هێشتا بیرکردنەوەی خۆی بۆ ئاکەپە نەگۆڕیوە، من پێموایە کە ئەوە هەڵوێستێکی نەتەیی نییە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin