Smiley face
Smiley face
Smiley face

ژنانی مەریوانی بە پاسکیلەوە بوونەتە مۆتەکەی حکومەتی ئێران

2017-09-23 15:03:38



ڕۆژنیوز - ناوەندی هەواڵەکان

 

ژنانی مەریوانی دژی یاسای قەدەغەی پاسکیل لێخوڕین بۆ ژنان هەموو سێشەممان لە پارکی دەریاچەی زرێبار گرد دەبنەوەو پاسکیل لێدەخوڕن، ئەوەش بووەتە مۆتەکەی حکومەتی ئێران و بە هەموو جۆرێک ڕێگریان لێدەکات.

 

ژنانی مەریوانی لە چالاکییەکدا کە ناویان ناوە سێشەممە سەوزەکان، هەموو سێشەممان بە پاسکیلەوە دەچنە پارکی دەریاچەی زرێبار و دژی بڕیاری قەدەغەکردنی پاسکیل بۆ ژنان پاسکیل لێدەخوڕن.

 

 

حکومەتی ئێران بۆ ڕێگری لە لێخوڕینی پاسکیل لەلایەن ژنانەوە، پارکێکی دروست کرد کە تایبەت بوو بۆ ژنان، بەڵام ژنانی مەریوانی دروستکردنی ئەو پارکە بە جیاکاری ڕەگەزی دەزانن و ڕووی تێناکەن و بەردەوامن لە پاسکیل لێخوڕینیان لە پارکی دەریاچەی زرێباردا.

 

جێگای ئاماژەیە، کە هەر لەم هەفتەیەدا هێزەکانی پۆلیسی ئێران لە پارکی دەریاچەی زرێبار ڕێگایان بە چەند ژنێک گرتبوو کە پاسکیلیان لێخوڕیبوو و دەستیان بە سەر پاسکیلەکانیاندا گرتبوو.

 

هەروەها بەزۆرەملی بەڵێننامەیان بەو ژنانە واژۆ کردووە، کە چیدی پاسکیل لێنەخوڕن.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin