Smiley face
Smiley face
Smiley face

کەلار، ئۆتۆمبێلێک لە منداڵێکى دوو ساڵانیدا و گیانی لەدەستدا

2017-09-22 16:47:26



ڕۆژنیوز ـ هاوڕێ کرێکار 


لە شارۆچکەى کەلار، ئۆتۆمبێلێک لە منداڵێکی دوو ساڵانیدا و دواى گەیاندنى بە نەخۆشخانەى فریاکەوتنى شەهید هەژار لە شارۆچکەى کەلار گیانی لەدەستدا. 


دوا نیوەڕۆی ئەمڕۆ لە شارۆچکەى کەلاری ناوەندى ئیدارەى گەرمیان، ئۆتۆمبێلێک لە منداڵێکیدا و برینیداری کرد، بەڵام دواتر گیانی لەدەستدا.


ڕائید عەلی جەمال قەدوری بەڕێوەبەری پۆلیسی گەرمیان، بۆ ڕۆژنیوز وتى: لە گەڕەکى کەلاری کۆنی شارۆچکەى کەلاری ناوەندی ئیدارەى گەرمیان، ئۆتۆمبێلێک لە جۆری کیا بارهەڵگر، لە منداڵێکى دوو ساڵان دەدات و بە سەختى برینداری دەکات، دواى گەیاندنى بە نەخۆشخانەى شەهید هەژار منداڵەکە گیان لەدەست دەدت. 

 


ڕائید عەلی جەمال وتیشی:  بە وتەى کەسوکارەکەى، شۆفێری ئۆتۆمبێلە کیاکە، باپیری منداڵە دوو ساڵانەکەیە و لە منداڵەکەى خۆیانى داوە و دواتر زانیوییەتى. 


هەروەها ناوبراو وتیشی: لە ئێستادا بە بڕیاری دادوەر، بە پێی مادەى ٤١١ لە یاسای سزدانى عێراقی، شۆفێری ئۆتۆمبێلەکە بەند کراوە و لە لایەن پۆلیسەوە دەست بە لێکوڵینەوە کراوە لە ڕووداوەکە. 


عەلی ئەوەشی خستەڕوو: منداڵەکە ناوى (مەیسەر مازن)ە و تەمەنى دوو ساڵە و بەڕەگەز عەرەبە و لە گەڕەکى کەلاری کۆنى شارۆچکەى کەلار نیشتەجێن.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin