Smiley face
Smiley face
Smiley face

"یەکێتییەکى نەتەوەیی بەهێزمان هەبێت هیچ وڵاتێک ناتوانێت هێرش بکاتە سەرمان"

2017-09-22 13:43:19



ڕۆژنیوز ـ هاوڕێ کرێکار

 

بەرپرسێکى حزبی شیوعى کوردستان ڕایدەگەیەنێت، کورد هەمیشە خاکى داگیر دەکرێ و هێرشی دەکرێتە سەر لە لایەن دوژمنانیەوە، ئەگەر یەکێتیەکى نەتەوەیی بەهێزمان هەبێت هیچ وڵاتێک ناتوانیت هێرش بکاتە سەرمان، بۆیە پەلەکردن لە بەستنى کۆنگرەى نەتەوەیی زەرورەتێکى زۆر گرنگە.

 

حزبی شیوعى کوردستان، لە کۆبونەوەى یەکەمى ڕاوێژکاری بۆ کۆنگرەیی نەتەوەی کورد بەشداربوو، بڕیارە دووەم کۆبونەوەى ڕاوێژکاری ئەنجام بدرێت، ڕۆژنیوز بەگرنگى زانى ئەوە بزاتێت ئایا حزبی شیوعى بەرنامە و پلانى چییە بۆ دووەم کۆبونەوەى ڕاوێژى کۆنگرەى نەتەوەیی کورد.

 

ئەحمەد مەجید، ئەندامى سەرکردایەتى حزبی شیوعى کوردستان، سەبارەت بە بۆچونى حزبەکەى لەسەر کرنگى یەکێتى نەتەوەیی و کۆنگرەى نەتەوەیی کورد بۆ ڕۆژنیوز وتى: بەردەوام وەک حزبی شیوعى کوردستان، داوامان کردووە و جەختمان لەوە کردوەتەوە، کە پێویستەى کۆنگرەى نەتەوەیی کورد لەسەر ئاستى هەرچوار پارچەى کوردستان ببەسترێت و پەلەى لێ بکرێت، بۆ ئەوەى بتوانین نێو ماڵی کورد ڕێکبخەین و کورد ببێتە خاوەن یەک گوتار، پێشنیار و قسەى ئێمە لە کۆبونەوەى ڕاوێژی بۆ کۆنگرەى نەتەوەیی کورد، ئەوە بووە چۆن بتوانین کورد و ناوماڵەکەى ڕێکبخەین، چونکە ئێمە پێمانوایە بە پەرشو بڵاویمان دوژمنانمان دڵخۆشن.

 

ئەحمەد مەجید وتیشی: حزبی شیوعى کوردستان،هەمیشە لەگەڵ ئەوەدا بووە کورد لە هەرچوار پارچەى کوردستان خاوەنی بڕیاری خۆی بێت، کاتێکیش دەڵێین بەستنى کۆنگرەى نەتەوەیی کورد زەرورە و پێویستە پەلەى لێ بکرێت، مەبەستمانە کۆنگرەکە گشتگیر بێت بۆ ئەوەى وەک کورد ڕووبەڕووى هەموو ئەگەرەکان ببینەوە، کە لێرەو لەوێ دژ بە گەلەکەمان دەکرێت و ولاتانى دراوسێش ڕێگە نادەن کورد ببێتە خاوەنى دەوڵەتێکى سەربەخۆ.

 

ئەو ئەندامەی سەرکردایەتى حزبی شیوعى، ئەوەشی خستەڕوو: کورد هەمیشە خاکى داگیر دەکرێ و هێرشی دەکرێتە سەر لە لایەن دوژمنانیەوە، بەیەکگرتووى دەتوانین، زاڵ بین بەسەر ئەو هەموو هێز ولایەن و وڵاتانەى هێرش دەکەنە سەر خاکى کوردان، پەرتەوازەیى ناو ماڵی کورد، هۆکارە بۆ ئەو هێرشانەى دوژمنانى گەلەکەمان دەیکەنە سەر خاکەکەمان، ئەگەر یەکێتییەکى نەتەوەیی بەهێزمان هەبێت هیچ وڵاتێک ناتوانێت هێرش بکاتە سەرمان.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin