Smiley face
Smiley face
Smiley face

شەڕڤانان هەزار هاوڵاتی دێرەزۆریان ڕزگارکرد

2017-09-21 10:54:47



ڕۆژنیوز - ناوەندی هەواڵەکان

 

شەڕڤانانی ئەنجومەنی سەربازی دێرەزۆر کە لە ژێر چەتری هێزەکانی سوریای دیموکراتدا تێدەکۆشن، هەزار هاوڵاتی مەدەنییان لە چنگی چەتەکانی داعش ڕزگارکرد.

 

ئەمڕۆ شەڕڤانانی ئەنجومەنی سەربازیی دێرەزۆر لە چوارچێوەی ئۆپەراسیۆنی گەردەلوولی جزیرە بۆ ڕزگارکردنی دێرەزۆر، هەزار هاوڵاتیان ڕزگارکرد و گواستیاننەوە بۆ شوێنە پارێزراوەکان لە شەڕ.

 

شەڕڤانان ئەمڕۆ لە ناوچەی سوەر و ئەبو فاس کە دەکەونە سەر سنوورەکانی نێوان عێراق و سوریا، پێشڕەییان کرد، پێش ئەوەی پێشڕەوییەکانیان دژی چەتەکانی داعش دەستپێبکەن، هاوڵاتیانی ئەو ناوچانەیان گواستەوە بۆ گوندی ساڵح هاواش.

 

بەگوێرەی ئەو زانیارییانەی سەرچاوەیەکی سەربازی لە دێرۆزەوە پێی ڕاگەیاندووین، ئەمڕۆ لە ڕۆژهەڵاتی ڕووباری فورات  زیاتر لە هەزار هاوڵاتی ڕزگارکراون، پاش ئەوەی چەند کاتژمێرێک لە گوندی ساڵح هاواش ماونەتەوە، ڕادەستی ئاسایشی ڕۆژئاوا کراون  بۆ ئەوەی لە کامپێکدا جێگر بکرێن و پێداویستییەکانی ژیانیان بۆدابین بکرێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin