Smiley face
Smiley face
Smiley face

بەهۆی خراببوونی دۆخی کارەوە لە ئێران ٢٠ کرێکار بوونە قوربانی

2017-09-20 11:48:52



ڕۆژنیوز - ناوەندی هەواڵەکان

 

لە دوو ڕۆژی ڕابردوودا لە شارەکانی ئێران بەهۆی نالەباربوونی دۆخی شوێنی کارەوە ١٢ کرێکار گیانیان لە دەستداوە و هەشتی دیکەش بە سەختی برینداربوون.

 

بەگوێرەی هەواڵێکی ئۆرگانی هەواڵی چالاکوانانی مافی مرۆڤی ئێران- هرانا، لە دوو ڕۆژی ڕابردوودا لە شارەکانی ئێران بە هۆکارگەلی پەیوەندیدار بە کەشی نالەباری شوێنی کارکردنەوە ٢٠ کرێکار گیانیان لە دەستداوە و برینداربوون.

 

هرانا ڕایگەیاندووە: لە شاری قەزوین کرێکارێک گیانی لە دەستداوە، لە پارێزگای ئەراک دوو کرێکاری دیکە گیانیان لە دەستداوە، لە پارێزگای زەنجان سێ کرێکار ژەهراوی بوون لە شوێنی کارەکەیان و گیانیان لە دەستداوە، بەهۆی تەقینەوەی کۆگایەک لە ئیسفەهان دوو کرێکار گیانیان لە دەستداوە و دووانی دیکەش برینداربوون، لە سیمنان کرێکارێکی دیکە بەهۆی تەقینەوە گیانی لە دەستداوە، لە کرماشان کرێکارێک کارەبا گرتوویەتی و گیانی لە دەستداوە، لە شەهری-کوردیش تونێلێک بە سەر کرێکارەکاندا ڕووخاوە، دوو کرێکار گیانیان لە دەستداوە، کرێکارێک بێ سەر و شوێن بووە و حەوتی دیکەش برینداربوون.

 

دۆخی نالەباری کارکردنی بۆ کرێکاران لە ئێراندا لە کاتێدا چارەسەرناکرێت، کە کرێکاران بەپێی ئاماری وەزارەتی کاری ئێران بەراورد بە توێژەکانی دیکە کەمترین موچەیان بۆ دیاریدەکرێت لەلایەن ئەو وەزارەتەوە، قسەیەکی بەناوبانگ لە نێوان کرێکارەکانی ئێراندا هەیە کە دەڵێت:"کرێکارەکان ئەگەر لە برسێتی نەمرن لە کاتی کارکردندا دەمردن".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin