Smiley face
Smiley face
Smiley face

دوو تانکەری سووتەمەنی لە چەمچەماڵ گڕیان گرت

2017-09-19 14:31:18



ڕۆژنیوز- ئاشتی ئەحمەد

 

دوو تانکەری بارهەڵگری سووتەمەنی، لەدەروازەی شارۆچكەی چەمچەماڵ گڕیان گرت و یەکێکیان بە تەواوەتی سووتا، تیمەکانی بەرگری شارستانی چەمچەماڵ ئاگرەكەیان كۆنترۆڵ كردووە و لێكۆڵینەوەش لە هۆكاری گڕگرتنی بارهەڵگرەكان دەستیپێکردووە.

 

ئەمڕۆ كاتژمێر 12ی نیوەڕۆ، دوو تانکەری بارهەڵگری سووتەمەنی، لە دەروازەی شارۆچکەی چەنچەماڵ گریان گرت و سووتان.

 

ڕەمەك ڕەمەزان قائیمقامی شارۆچكەی چەمچەماڵ لەو بارەیەوە بۆ ڕۆژنیوز وتی:"دوو تانكەری سووتەمەنی گڕیان گرت، تیمەكانی بەرگری شارستانی توانیان بەزوویی بگەنە شوێنی ئاگرەكە و ئاگری یەكێك لە تانكەرەكان بكوژێننەوە، تا ئاگرەكە تەشەنە نەكات، بەڵام تانكەرێكیان كە پڕ لەسووتەمەنی بوو سووتا، هەروەها بەهۆی بەهێزی ئاگرەكەوە تیمەكانی بەرگری شارستانی چەمچەماڵ، شۆڕش، تەكیە و بازیان بەهاوكاری تیمەكانی ئاگركوژێنەوەی وێستگەی بەرهەمهێنانی كارەبای سلێمانی لەچەمچەماڵ هاوکارییان کرد و دواجار ئاگرەکە كۆنترۆڵ كرا".

 

 

قائیمقامی شارۆچكەی چەمچەماڵ باسی لەوەش كرد، ئەو بارهەڵگرانە، سووتەمەنیان لە كەركوكەوە بۆ سنووری پارێزگای سلێمانی دەگواستەوە، تانكەرێكیان تەنها پێشەكەی سووتاوە و تانكەری دووەمیش بەتەواوەتی سووتا، هەروەها لەبارەی ڕووداوەكەشەوە لێكۆڵینەوەكان بەردەوامن".

 

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin