Smiley face
Smiley face
Smiley face

نێچیرڤان بارزانی: ڕیفراندۆم بەو واتایە نایەت ڕۆژی دواتر سەربەخۆیی ڕادەگەیەنین

2017-09-19 13:04:25



ڕۆژنیوز – ناوەندی هەواڵەکان

 

نێچیرڤان بارزانی، سەرۆکی حکومەتی هەرێمی کوردستان ڕایگەیاند، کە کاتێک باسی ڕیفراندۆم دەکەن واتای ئەوە نییە ڕۆژی دواتر سەربەخۆیی ڕادەگەیه‌نن، بەڵکو بۆ دەربڕینی ویستی خەڵکە و دواتر دەیکەنە راسپاردەیەک و لەگەڵ بەغدا دانوستانی لەسەر دەکەن.

 

دوێنێ، کەناڵی ئاڕ تی ڕوسی (ڕوسیا تودەی)، چاوپێکەوتنێکی نێچیرڤان بارزانی، سەرۆکی حکومەتی هەرێمی کوردستان-ی بڵاوکردەوە.

 

لە چاوپێکەوتنەکەدا، باسی لە ڕیفراندۆمی هەرێمی کوردستان کردووە و وتویەتی: کاتێک باسی ڕیفراندۆم دەکەین واتای ئەوە نییە ڕۆژی دواتر سەربەخۆیی ڕادەگەیه‌نین، بەڵکو بیرۆکەی ئەنجامدانی ڕیفراندۆم بۆ دەربڕینی ویستی خەڵک و نەتەوەکەیە بەگشتی، کە دواتر دەبێتە ڕاسپاردەیەک بۆ سەرکردایەتیی سیاسی بۆ ئەوەی لەگەڵ بەغدا دانوستانی لەسەر بکەن.


هەروەها، وتویەتی: چاوەڕی دەکەین ئەنجامی ڕیفراندۆمەکە نەکرێتە بنەمایەک بۆ زیاتر شێواندنی دۆخەکە، بەڵکو ئامانجمانە زیاتر لەیەکگەیشتنمان لەگەڵ بە‌غدا هەبێت، بۆ بوونی دانوستاندنی جددیی.


سەبارەت بە ئەگەری دواخستنی ڕیفراندۆم و جێگرەوەکانی، بارزانی، وتویەتی:"بە ڕاشکاوی بە مەکگۆرکمان گوتووە کاتەکە بۆ ئەنجامدانی ڕیفراندۆم گونجاوە، جێگرەیەکی ئەوەندە بەهێز نەبوو، کە بڕوامان پێ بهێنێت بەردەوام بین لە پرۆسەی سیاسی لە عێراقدا".

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin