Smiley face
Smiley face
Smiley face

تەرمی باڵیۆزێکی ڕوسیا لە ماڵەکەیدا دۆزرایەوە

2017-08-24 09:21:07



ڕۆژنیوز - ناوەندی هەواڵەکان

 

پۆلیسی سودان دەڵێت، تەرمی میگرایای شیرینیسکی، باڵیۆزی ڕوسیا لەو وڵاتەی لەناو مەسبەحی ماڵەکەیدا دۆزراوەتەوە.

 

بەگوێڕەی هەواڵێکی ڕۆیتەرز کە لە سەر زاری وتەبێژی پۆلیسی سودانەوە بڵاویکردووەتەوە، تەرمی شیرینسکی دوێنێ دۆزراوەتەوەو باسی لەوەشکردووە چونکە نەخۆشیی دڵ و فشاری خوێنی هەبووە ئەگەری هەیە کە بۆخۆی مردبێت و نەکوژرابێت.

 

ئەمە لە کاتێکدایەکە، کە ئەمساڵ نوێنەری ڕوسیا لە نەتەوە یەکگرتووەکان لە نیۆرک گیانی لە دەستدا، باڵیۆزی ڕوسیا لە هندستانیش هەر ئەمساڵ گیانی لە دەستدا و تەرمی سیاسەتمەدارێکی باڵای ڕوسیا لە یۆنان لە باڵاخانەکەیدا دۆزرایەوە.

 

جێگای ئاماژەیە، کە هەر ئەمساڵ، ئاندرێ کارلۆڤ، باڵیۆزی ڕوسیا لە تورکیا، لە کاتی سەردانی پیشانگایەکی وێنەدا لە ئەنقەرە تەقەی لێکرا و کوژرا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin