Smiley face
Smiley face
Smiley face

قه‌ڵادزێ، پرسه‌ى گه‌ریلاى شه‌هید ئه‌نوه‌ر عه‌زیزی کۆتایى هات

2017-08-23 19:08:09



ڕۆژنیوز - عه‌لی قادر


له‌ شارۆچکه‌ى قه‌ڵادزێ پرسه‌ى گه‌ریلاى شه‌هید ئه‌نوه‌ر عه‌زیزى ناسراو به‌ فواد نه‌وال کۆتایى هات، که‌ خه‌ڵکى ڕۆژهه‌ڵاتى کوردستان بوو له‌ باکورى کوردستان شه‌هید بووبوو.


ئه‌مڕۆ دووه‌م ڕۆژی پرسه‌ی شه‌هید ئه‌نوه‌ر عه‌زیزی ناسراو به‌ فواد نه‌وال له‌ شارۆچکه‌ی قه‌ڵادزێ سه‌ر به‌ ئیداره‌ی ڕاپه‌ڕین به‌ڕێوه‌چوو، که‌ دووه‌م ڕۆژى پرسه‌که‌ بوو، به‌ چه‌ند لێدوانێکیش کۆتایى به‌ پرسه‌که‌ هات.


هێمن سنه‌ براى شه‌هید ئه‌نوه‌ر عه‌زیزى، قسه‌ی کرد و وتی: "شه‌هید فواد ته‌نیا ڕۆڵه‌ی ئێمه‌ نییه‌ به‌ڵکو ڕۆڵه‌ی هه‌ر چوار به‌شی کوردستانه‌ و ئێمه‌ شانازی به‌ شه‌هیدبونیه‌وه‌ ده‌که‌ین و پێی سه‌ربه‌رزین".

 


وتیشی: "پرسه‌ و سه‌ره‌خۆشی له‌ خۆمان و گه‌لی کورد و سه‌رۆک ئاپۆ ده‌که‌م و سه‌رى گه‌لی کورد ساغ بێت".


دواتر ئامه‌د شاهۆ ئه‌ندامی ئه‌نجومه‌نى پارتى ژیانى ئازادى کوردستان - پژاک قسه‌ی کرد و وتی: "شه‌هید فواد ئه‌و زهنیه‌ته‌ی که‌ به‌ ساڵانه‌ دوژمنان له‌ مێشکی گه‌لی کوردیان چاندووه‌ که‌ تاکی کورد له‌ چی به‌شێکی کوردستان بژیت عایدی ئه‌و پارچه‌یه‌ی کوردستانه‌ و مافی نییه‌ له‌ به‌شێکی تری کوردستان خه‌بات بکات، به‌ڵام شه‌هید فواد و هه‌ڤاڵانی  ئه‌م زهنیه‌ته‌ی شکست پێهێناو به‌شداری ڕیزه‌کانی تێکۆشانی له‌ به‌شێکی تری کوردستان کرد، له‌ ڕۆژهه‌ڵات له‌دایک بوو، به‌ڵام له‌ باکوری کوردستان شه‌هید بوو".

 


ئامه‌د شاهۆ وتیشی: "شه‌هید فواد گه‌نجێکی تێکۆشه‌ر و قاره‌مان بووه‌ و به‌ ڕوحیه‌تێکی به‌رزی شۆڕشگێڕی خه‌باتی کردوه‌ و تێکۆشاوه‌ و له‌سه‌ر هه‌مان ڕوحییه‌ت به‌رده‌وام بوو تاک و گه‌یشته‌ پله‌ی شه‌هاده‌ت".


له‌ کۆتایی لێدوانه‌که‌یدا ئامه‌د شاهۆ وتی: "ئێمه‌ وه‌ک پژاک به‌ڵێن به‌ شه‌هید فواد و سه‌رجه‌م شه‌هیدان ده‌ده‌ین که‌ درێژه‌پێده‌ری خه‌ون و ئامانجه‌کانی ئه‌وان ده‌بین و پیلانی داگیرکه‌ران مایه‌پووچ ده‌که‌ین و کۆتایی به‌ داگیرکاری ده‌هێنین".


شه‌هیدی گه‌ریلا  ئه‌نوه‌ر عه‌زیزی ناسراو به‌ فواد نه‌وال، ساڵی ١٩٨٧ له‌ کامیارانی ڕۆژهه‌ڵاتی کوردستان له‌دایک بووه‌، شه‌هید فواد کوڕی بچوکی بنه‌ماڵه‌که‌یان بووه‌، دوو برا و خوشکێکی هه‌یه‌، تاوه‌کو پۆلی هه‌شتی ناوه‌ندی خوێندوه‌ و له‌ ساڵی ٢٠٠٨ به‌شداری ڕیزه‌کانی گه‌ریلا بووه‌ و له‌ ساڵی ٢٠١٦ له‌ ماردین له‌ باکوری کورستان شه‌هید بووه‌، به‌ڵام پێرێ هه‌واڵی شه‌هیدبوونی ڕاگه‌یه‌ندرا.

 


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin