Smiley face
Smiley face
Smiley face

نەتەوە یەکگرتووەکان: گیانی ٣٠ هەزار هاوڵاتی تەلەعفەر لەمەترسییدایە

2017-08-23 13:15:17



ڕۆژنیوز - ناوەندی هەواڵەکان

 

نەتەوە یەکگرتووەکان ڕایگەیاند، کە ٣٠ هەزار هاوڵاتی مەدەنی لە ناو شارۆچکەی تەلەعفەردا گەمارۆدراون کە ئێستا مەیدانی جەنگی هێزە عێراقییەکان و چەتەکانی داعشە.

 

شەوی ڕابردوو، کۆمیسیاری باڵای نەتەوە یەکگرتووەکان بۆ کاروباری پەنابەران، ڕاپۆرتێکی لەبارەی ئۆپەراسیۆنی کۆنترۆڵکردنەوەی شارۆچکەی تەلەعفەر-ی سەر بە پارێزگای موسڵ بڵاوکردەوە.

 

لە ڕاپۆرتەکەدا هاتووە، کە دۆخی مرۆیی لە تەلەعفەردا کارەساتبارە و لە دەستکەوتنی ئاو و خواردن ڕۆژ لەدوای ڕۆژ بۆ هاوڵاتیان ئاستەم تر دەبێتەوە.

 

هەروەها، هاتووە: ٣٠ هەزار هاوڵاتی مەدەنی لە ناو شارۆچکەی تەلەعفەردا گەمارۆدراون کە ئێستا مەیدانی جەنگی هێزە عێراقییەکان و چەتەکانی داعشە.

 

نەتەوە یەکگرتووەکان ئاماژەی بەوەشداوە، کە هاوڵاتیانی بەشەکانی باشور و ڕۆژهەڵاتی شارۆچکەکە هاوکاریی و یارمەتیان بە دەست گەیشتووە.

 

هەروەها، نیگەرانیشی دەربڕیوە، کە ئەگەری هەیە هاوڵاتیانی مەدەنی وەکو قەڵغانی مرۆیی بەکاربهێندرێن لەلایەن چەتەکانی داعشەوە، یان مەترسیی ئەوە هەیە، کە هاوڵاتیان لە کاتی ڕاکردن لە چنگی چەتەکانی داعش بکوژرێن.

 

جێگای ئاماژەیە کە هێزە عیراقییەکانی ڕۆژی ١٥ی ئەم مانگە بە فەرمی دەستپێکردنی ئۆپەراسیۆنی کۆنترۆڵکردنەوەی تەلەعفەریان ڕاگەیاند.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin