Smiley face
Smiley face
Smiley face

سەرۆک وەزیرانی کەنەدا هۆشداریی دەداتە کۆچبەران

2017-08-21 08:53:22



ڕۆژنیوز – ناوەندی هەواڵەکان

 

سەرۆک وەزیری کەنەدا جەستن ترودۆ رایدەگەیەنێت، کە هیچ هەلێک نییە بۆ ئەو کەسانەی کە بەشێوەیەکی نایاسایی دەچنە  وڵاتەکەیانەوە.

 

لە هەواڵێکدا کە دەنگی ئەمریکا ئەمڕۆ بڵاویکردووەتەوە، سەرۆک وەزیرانی کەنەدا دژایەتی بۆ کۆچبەرانی نایاسایی پیشانداوەو ئاماژەی بەوەکردووە، کە وڵاتێکن یاسا پەیڕەو دەکەن و نایاسایی قبوڵ ناکەن.

 

دوای کۆبوونەوەی لەگەڵ هاوتا ئێرلەندییەکەی لیۆ ڤارادکار، جەستن ترودۆ بە ڕۆژنامەنووسانی وت:"کەنەدا وڵاتێکی کراوەیە و بەخێرهاتنی خەڵکانی دیکە دەکات، بەڵام با بەڕوونی پێتان بڵێم، ئێمەش وڵاتێکین یاسا پەیڕەو دەکەین، هاتنە ناوەوە بۆ کەنەدا بەشێوەیەکی نایاسایی قبوڵ نییە، یاسای توند هەیە سەبارەت بە کۆچ و گومرگ کە دەبێت پەیڕەوی بکرێن".

 

ئەو لیدوانە لە کاتێکدایە، هەفتەی ڕابردوو سەرژمێرییەکی حکومەتی کەنەدا دەریخستووە ژمارەی ئەو کۆچبەرانەی کە بەشێوەیەکی نایاسایی لە ئەمەریکاوە چوونەتە کەنەدا لە مانگی حەوتدا سێ هێندە زیادی کردووە.

 

حکومەت ڕایگەیاند:"ژمارەی کۆچبەران کە هاتوونەتە ناو کەنەداوە لە مانگی شەشدا ٨٨٤ پەنابەر بوون، بەڵام لە مانگی حەوتدا زیاتر لە ٣١٠٠ کەس بەشێوەیەکی نایاسایی هاتوونەتە کەنەداوەو داوای مافی پەنابەرێتیان کردووە".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin