Smiley face
Smiley face
Smiley face

بەتەمەنترین پەنابەری جیهان لە سوید دەردەکرێت

2017-08-20 09:43:52



ڕۆژنیوز – ناوەندی هەواڵەکان

 

بیبیخاڵ ئوزبێک، کە وەک بەتەمەنترین کۆچبەر لە جیهاندا دادەنرێت و ئێستا تەمەنی ١٠٦ساڵە، لەلایەن دەزگای کۆچی ولاتی سویدەوە بڕیاری گەڕانەوەی دراوە بۆ وڵاتەکەی.

 

ڕادیۆی سوید هەواڵەکەی بڵاوکردووەتەوەو بیبیخاڵ ئوزبێک کە ژنێکی ئەفغانییە، وەک بەتەمەنترین پەنابەری جیهان ناوهێناوەو ئاماژەی بەوەشکردووە، لەگەڵ ئەوەی بڕیاری گەڕانەوەکەی پێوتراوە بۆ ئەفغانستان، باری تەندروستی تێکچووە.

 

لە ئێستادا ئوزبێک لەلایەن دەزگای کۆچی سویدەوە بڕیاری گەڕاندنەوەی لەسوید دەرچووە و دەبێت سوید بەجێبهێڵێت و بگەڕێتەوە ئەفغانستان.

 

(بیبیخاڵ ئوزبێک)

بە وتەی خێزانی ناوبراو، دەزگای کۆچ پێی ڕاگەیاندوون کە ئەوان دەبێت بگەڕێنەوە بۆ ئەفغانستان و ڕەوشی ولاتەکەیان باشە، دوای ئەوەو بەو بڕیارە بیبیخاڵ ئوزبێک تەندرووستی تێکچووە.

 

بیبیخاڵ ئوزبێک ساڵی ٢٠١٥ چووەتە سوید، لە شاروانی سکارابۆری لەو وڵاتە داوای مافی پەنابەری کردووە، بیبیخاڵ ئوزبێک تەمەنی ئێستا ١٠٦ ساڵە و بە بەتەمەنترین کۆچبەر لە جیهاندا دادەنرێت و لەگەڵ ١٢ ئەندامی خێزانکەیدا پێکەو دەژین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin