Smiley face
Smiley face
Smiley face

دژی سووتاندنی دارستانەکانی دەرسیم خۆپیشاندانێک لە بەلجیکا ئەنجامدرا

2017-08-19 09:11:35



ڕۆژنیوز - ناوەندی هەواڵەکان

 

ئەندامانی لقی بەلجیکای کۆنگرەی دیموکراتی گەلان بە مەبەستی دەربڕینی ناڕەزایی بەرامبەر بە سووتاندنی دارستانەکانی شاری دێرسیمی باکوری کوردستان لەلایەن سوپای تورکەوە خۆپیشاندانێکیان ئەنجامدا.

 

ئێوارەی دوێنێ لە شاری برۆکسل-ی پایتەختی بەلجیکا، ژمارەیەک لە ئەندامانی لقی بەلجیکای کۆنگرەی دیموکراتی گەلان دژی سووتاندنی دارستانەکانی باکوری کوردستان لەلایەن دەوڵەتی تورکەوە خۆپیشاندانێکیان ئەنجامدا و ئەو کردەوانەیان شەرمەزارکرد.

 

چالاکوانان دروشمی "دەرسیم دەسووتێت، ئەردۆغان دەیسووتێنێت"، "کوژەر ئەردۆغان"، "چیدی کوشتنی سروشت بەسە" و "کۆمەڵکوژیی لە کوردستان بەسە"یان وتەوە،هەروەها ئەو چالاکوانانە بڵاوکراوەیان لەبارەی سووتاندنی دارستانەکانی دەرسیمەوە لە نێوان هاوڵاتیاندا دابەشکرد.

 

ئەو چالاکوانانە ڕاشیانگەیاند، کە ئاگر کەوتنەوە لە دارستانەکانی دەرسیم و جودیی و هەروەها هەوڵدانەکانی دەوڵەتی تورک بۆ لەناوبردنی شوێنەوارە مێژووییەکانی حەسکیف جیا نین لە یەکدی و بە پیلانێکی هاوبەش ئەنجام دەدرێن.

 

لە کۆتاییدا هاوڵاتیان بە وتنەوەی دروشمی "دەرسیم ئابڕومانە، دەست لە ئابڕومان مەدەن" کۆتاییان بە خۆپیشاندانەکە هێنا.

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin