Smiley face
Smiley face
Smiley face

ئێزدییەکان دەگەڕێنەوە شەنگال و ژیانی نوێ دەخولقێنن

2017-08-18 14:31:22



ڕۆژنیوز - ئیبراهیم ئێزدی

 

خەڵکی ئێزدی دەستە دەستە دەگەڕێنەوە سەر خاکی ئێزدخان، هاوڵاتیانی ئێزدی بە گەڕانەوەیان ژیانێکی نوێ دەخولقێنن.

 

پاش فەرمانی ٣ی ئابی ساڵی ٢٠١٤ هەزاران هاوڵاتی ئێزدی ئاوارەی باشور، ڕۆژئاوا و باکوری کوردستان بوون، ئەو هاوڵاتیانە پاش سێ ساڵ پۆل پۆل دەگەڕێنەوە سەر خاکی ئێزدخان، دوو گەنجی ئێزدی کە گەڕاونەتەوە شەنگال و بە مەبەستی خزمەت بە خەڵک دەستیان کردووە بە کارکردن، قسەیان بۆ ئاژانسەکەمان کرد.

 

گەنجێکی ئێزدی بەناوی سەعدی خەلەف کە ماوەی دوو ساڵە گەڕاوەتەوە شەنگال وتی:"بۆ ئەوەی بتوانین خزمەت بکەین بە خەڵکی ئێزدی، دووکانێکمان کردووەتوە، بە گەڕانەوەی خەڵک بۆ شەنگال زۆر خوشحاڵ دەبین، چونکە بە گەڕانەوەی خەڵک بۆ شەنگال ژیانی نوێ دەخولقێندرێت".

 

 

هاوڵاتییەکی دیکە بەناوی ئیڤان ئیسماعیلیش وتی:"لە دەستپێکی ڕزگارکردنی شەنگالدا کاری فڕنی نانمان دەکرد، سەرەتا نانمان بۆ هێزە سەربازییەکان ئامادە دەکرد، ئەو کاتە خەڵک لە شەنگال نەبوون و هەموو ئاوارەی کامپەکانی دەرەوەی ئێزدخان ببوون، بەڵام ئێستا خەڵک گەڕاونەتەوە و ئێمە دەتوانین خزمەتی خەڵک بکەین".

 

 

ئیڤان وتیشی:"یارمەتی هەموو ئەو کەسانە دەدەین وا تازە گەڕاونەتەوە شەنگال، ئێستا کێشەی تەندروستی لە شەنگالدا هەیە، بەڵام پێموایە ئەم کێشەیە بە گەڕانەوەی خەڵک چارەسەر دەبێت".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin