Smiley face
Smiley face
Smiley face

ڕەقە، ٢١ چەتە کوژران و ٥٠ هاوڵاتی ڕزگار کران

2017-08-18 14:04:17



ڕۆژنیوز - ڕەقە

 

لە شەڕەکانی شەوی ڕابردوودا کە لە بەرەکانی ڕۆژهەڵات، ڕۆژئاوا و باکوری ڕەقەدا ڕوویانداوە، ٢١ چەتەی داعش کوژران.

 

شەڕڤانانی هێزەکانی سوریای دیموکرات هەنگاوی ڕزگارکردنی شاری ڕەقەیان لە ڕۆژی ٦ی حوزەیرانەوە دەستپێکردووە و ئێستاش بەردەوامن لە پێشڕەوییەکانیاندا، لە چوارچێوەی پێشەویی شەڕڤاناندا شەوی ڕابردوو لە گەڕەکەکانی مەنسور، ڕەشید، بەرید و درعییەدا شەڕی قورس ڕوویاندا و لە گەڕەکی نەزلەت شیحادەدا شەڕڤانان ٥٠ هاوڵاتییان لە چنگی چەتەکانی داعش ڕزگار کرد.

 

 

لە ئەنجامی شەڕێکدا کە شەوی ڕابردوو لە گەڕکی مەنسوری ڕۆژهەڵاتی ڕەقە ڕوویدا حەوت چەتەی داعش کوژران، هەروەها لە گەڕەکی ڕەشید شەڕێکی دیکە ڕوویدا و لەو شەڕەشدا شەش چەتەی داعش کوژران، شەڕڤانان لەو گەڕەکەدا ئۆتۆمبێلێکی بۆمبڕێژکراوی چەتەکانیشیان تەقاندەوە کە بەنیازبوو خۆی بە نەخۆشخانەی منداڵاندا بتەقێنێتەوە.

 

هەروەها لە گەڕکی درعییە لە ئەنجامی شەڕێکی کورتدا پێنج چەتە و لە گەڕەکی بەریدیش سێ چەتەی داعش کوژران.

 

 

شەڕڤانان لە گەڕەکی نەزلەت شیحادە، لە چوارچێوەی ئۆپەراسیۆنی پشکنینی شوێنە ڕزگارکراوەکاندا تونێلێکی چەتەکانی داعشیان دۆزییەوە، لەلایەکی دیکەوە هەر لەو گەڕەکەدا ٥٠ هاوڵاتیان ڕزگارکرد و گواستیاننەوە بۆ شوێنە پارێزراوەکان لە شەڕ.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin