Smiley face
Smiley face
Smiley face

سینەمەخمور دەبێتە دەنگ و ڕەنگی کۆمەڵگای مەخمور

2017-08-18 13:52:15



ڕۆژنیوز - حەسرەت و زنارین

 

سەدیق کاپار، مامۆستا و ئەندامی ناوەندی چاند و هونەری مەخمور و هەروەها یەکێک لە ئەندامانی سینەمەخمور دەڵێت، کە سینەمەخمور دەکەنە دەنگ و ڕەنگی کۆمەڵگای مەخمور.

 

کامپی شەهید ڕوستەم جودی لە مەخمور لە هەموو بوارەکاندا خۆی ڕێکدەخات و پێش دەکەوێت، ئەندامانی ناوەندی چاند و هونەری مەخمور لە بواری سینەمادا هەنگاویان نا و سینەمایەکیان کردەوە بەناوی سینەمەخمور، لەبارەی ئەو سینەمایەوە سەدیق کاپار قسەی بۆ ئاژانسەکەمان کردووە.

 

سەدیق کاپار بەم شێوەیە قسەکانی دەستپێکرد:"سینەما بۆخۆی کارێکی هونەرییە، دەبینین کە لە جیهاندا سینەما چەند کاریگەرە، ئێمە لە منداڵییەوە سینەمامان خۆشدەویست، بەڵام نەماندەزانی سینەما چییە و چی دەکات، ئێستا گروپی سینەمەخمورمان دامەزراندووە و پێموایە دەتوانین تێبکۆشین بۆ قەرەبوو کردنەوەی کەموکوڕییەکانی ڕابردوو و بە سەرکەوتووییەوە سینەمەخمور بەڕێوەببەین، ئەگەرچی ئەو گروپەمان تازە دامەزراندووە، بەڵام دەتوانین لە سەرەتاوە بە پەروەردەوە دەستپێبکەین و تێکۆشان لەم بوارەدا پێش بخەین، پێشموایە بتوانین بەم زووانە بەرهەمی وەکو کورتە فیلم بڵاوبکەینەوە، ئامانجی سەرەکی ئەوەیە کە ببینە دەنگ و ڕەنگی کۆمەڵگاکەمان".

 

 

مامۆستا سەدیق کاپار وتیشی: پێشتریش لە کامپەکەدا لە بواری سینەمادا کار دەکرا، بەڵام ئەو هەوڵدانانە لە ساڵی ٢٠١٣دا وەستێندران، لەم دوواییانەدا بە نمایشکردنی فیلمی کۆبانێ یەکەم هەنگاوی پراتیکمان نا بۆ دەستپێکردنەوەی تێکۆشانی سینەمایی، دوواتریش وەکو سینەمەخمور و وەکو لقێک لە ناوەندی چاند و هونەری مەخمور خۆمان ڕاگەیاند.

 

 

لە بەشێکی دیکەی قسەکانیدا وتی، کە پێویستە یادی هەڤاڵانی سینەماکاری پێشوومان بکەینەوە، ئێمەش وەکو سینەمەخمور دەڵێین کە درێژەپێدەری ڕێگای دەیان هەڤاڵمانین کە شۆڕشگێڕ و فیلمساز بوون و شەهیدبوون، بۆیە یادی شەهید خەلیل داغ، نوژیان ئەرهان، یڵماز گونەی و دەیان فیلمساز و سینەماکاری دیکە دەکەینەوە.

 

مامۆستا کاپار بەم شێوەیە کۆتایی بە قسەکانی هێنا: لێرەوە ڕایدەگەیەنم کە پێویستمان بە هاوکاری و یارمەتیی پیشەیی هەیە، بۆیەش بانگەوازی هەموو هەڤاڵان لە ڕۆژئاوا و باکوری کوردستان دەکەین دەستی هەڤاڵتی و برایەتیان بەرەوڕوومان درێژبکەن.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin