Smiley face
Smiley face
Smiley face

ئەو ئەفسەرە پۆلیسەی شەوی ڕابردوو لە لایەن داعشەوە ڕفێندرابوو، بۆ رۆژنیوز دەدوێت

2017-08-18 11:56:10



ڕۆژنیوز- سۆران محەمەد

 

ئەو ئەفسەرەی داعش شەوی ڕابردوو ڕفاندبووی و دوای بەهاناوەچوونی پێشمەرگە بە برینداری هەڵهاتبوو، بۆ رۆژنیوز دوا و باسی چۆنیەتی هێرشەکە دەکات، ئاشکراشی دەکات کە بەبەرچاوی خۆیەوە سێ کوڕ و دوو برازا و دوو پاسەوانەکەی دیکەشی کوژراون.

 

پاش نیوەشەوەی ڕابردوو، چەتەكانی داعش لە گوندی مەلحە لە سنوری شارەدێی دوبزی سەر بە پارێزگای كەركوك، چوونە سەر ماڵی ئەفسەرێكی پۆلیس بەناوی موقەدەم فەرحان، حەوت كەسیان کوشت و موقەدەم فەرحانیشیان بەرەو شوێنكی نادیار ڕفاند.

 

لەسەر شێوازی هێرش كردنەكە، موقەدەم فەرحان ڕزگار، بە ڕۆژنیوزی ڕاگەیاند:"ژمارەی ئەو چەكدارانەی كە هێرشیان كردە سەر ماڵمان ژمارەیان نزیكەی 20 چەكدار دەبوون، سەرجەمیان دەمكدار بوون، سەرەتا ئێمە وامان زانی كە پێشمەرگەیە و كێوماڵی ناوچەكە دەكەن، بەڵام دواتر وتیان ئێمە داعشین و دوو ڕۆژە چاودێری تۆ دەكەین".

 

 

راشیگەیاند:"پێشمەرگە بە هانامانەوە هاتن و ڕووبەڕوویان بوونەوە، منیش لەو كاتە بە برینداری هەڵهاتم، بەڵام بەشێك لە چەتەكان بە كوردی پەتی قسەیان دەكرد".

 

ئاماژەی بەوەش كرد:"لە بەرچاوی خۆم كوڕو برازاكانماین كوشت، دوو بە برازاكانم کە پاسەوانی خۆم بوون، واتا سێ كوڕ و دوو برازاو دوو پاسەوانم بە شێوەیەكی زۆر دڕاندانە كوژران".

 

هەروەها عەقید، شەماڵ محەمەد، بەرپرسی یاریدەرایەتی بنكەی ئاسایشی دوبز، بە ڕۆژنیوزی ڕاگەیاند:"درەنگانی شەوی ڕابردوو، گروپێكی چەكداری دەمامكدار هەڵدەكوتنە سەر ماڵی موقەدەم فەرحان ڕزگار، لە گوندی مەلحە لە سنوری شارەدێی دوبز".

 

وتیشی:"چەكدارەكان سێ كوڕی موقەدەم فەرحان و چوار پاسەوانی موقەدەم فەرحان و موقەدەمەكەشیان ڕفاندووە، دواتر موقەدەم فەرحان بە برینداری لە دەستی گروپە هەڵهاتووە".

 

ڕاشیگەیاند:"بەرەبەیانی ئەمڕۆ، تەرمی سێ كوڕ و چوار پاسەوانەكەی بە سەربڕاوی لە نزیك گوندەكە دۆزرانەوەتەوە، هەروەها خانووی ماڵی موقەدەم فەرحانیش تەقێندراوەتەوە".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin