Smiley face
Smiley face
Smiley face

گوڵاڵە، چەتەیەکى تری داعش کوژرا

2017-08-18 09:54:24



ڕۆژنیوز ـ هاوڕێ کرێکار 

 

چەتەیەکى تری داعش لە لایەن هێزەکانى پێشمەرگە و بەڕێوەبەرایەتى ئاسایشی گەرمیانەوە کوژرا.

 

ئۆپەراسێۆنى لەناوبردنى چەتەکانى داعش لە گوندی ئیسڵاحی سەر بە شارەدێی گوڵاڵە بەردەوامە، کاتژمێر ٦ى سەرلەبەیانى ئەمڕۆ, سێیەم ڕۆژى ئۆپەراسیۆنى لەناوبردنى چەتەکانى داعش لە گوندی ئیسڵاح و چەمى شێخ باوە دەستى پێکرد.

 

ڕائید سمکۆ عەلی بەڕێوەبەرى بنکەى ئاسایشی شاڕەدێی کۆکس، بە ڕۆژنیوزى وت: ئەمڕۆش هاوشێوەى دوو ڕۆژى ڕابردوو، سێیەم ڕۆژى ئۆپەراسیۆنى لەناوبردنى چەتەکانى داعش لە سنوری گوندەکانى ئیسڵاح و شێخ باوەى سنوری گوڵاڵە لە لایەن هێزەکانى پێشمەرگە و هێزەکانى ئاسایشی گەرمیانەوە دەستى پێکرد.

 

سمکۆ عەلی وتیشى: لە کاتژمیڕ ٨ى بەیانى هێزەکانى ئاسایشی و پیێشمەرگە لە ناو چەمى گوندی شێخ باوە چەتەیەکى تری داعشیان کوشت.

 

هەروەها ناوبراو، ئاماژەى بەوەش دا، لەماوەى سێ ڕۆژى ڕابردووی ئۆپەراسیۆنى لەناوبردنى چەتەکانى داعش, سێ چەتەى داعش کوژراون.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin