Smiley face
Smiley face
Smiley face

بە بیانووی بڵاوکردنەوەی ئاڵای یەپەگە، ئەڵمانیا دوو هاوڵاتی کوردی دەستگیر کرد

2017-08-18 09:33:59



ڕۆژنیوز - ناوەندی هەواڵەکان

 

پۆلیسی ئەڵمانیا، لە شاری میونشن هەڵیکوتایە سەر دوو ماڵ و دوو هاوڵاتی کوردی دەستگیرکرد، بەو بیانووەی کە ئەو هاوڵاتیانە ئاڵای یەکینەکانی پاراستنی گەل- یەپەگەیان لە تۆڕە کۆمەڵایەتییەکاندا بڵاو کردووەتەوە.

 

سەرلەبەیانیی دوێنێ، پۆلیسی ئەڵمانیا هەڵیکوتایە سەر ماڵی دوو چالاکوانی چەپ بە ناوەکانی نەرگس نەسیمی و کەرەم شامبەرگەر و دەستگیری کردوون.

 

پۆلیسی ئەڵمانیا هۆکاری دەستگیردنی کەرەم شامبەرگەری، بڵاوکردنەوەی ئاڵای یەپەگە لە ئەکاونتی فەیسبووکەکەیدا ڕاگەیاندووە، هێزەکانی پۆلیس هاوکات بە دەستگیرکردنی شامبەرگەر دەستیان بە سەر کەلوپەلە شەخسییەکان وەکو لاپتۆپ، هارد و مۆبایلەکەشیدا گرتووە.

 

نەرگس نەسیمی-ش سەبارەت بە دەستگیرکردنەکەی خۆی لە ئەکاونتی فەیسبووکەکەیدا نووسیویەتی:"بە شێوەیەکی نامرۆیانە هەڵیانکوتایە سەر ماڵەکەم، ماڵەکەیان پشکنی لە کاتێکدا مۆڵەتی ئەو کارەیان لەلایەن دادگاوە پێنەبوو و کاتێکیش پێم وتن دەمەوێت بچمە توالێت وتیان دەبێت پۆلیسێک لەگەڵت بێت، بەڕاستی هەڵسوکەوتیان نایاسایی و نامرۆڤانە بوو".

 

جێگای ئاماژەیە، کە لە ڕۆژی ٢ی ئازاری ئەمساڵەوە، وەزارەتی ناوخۆی ئەڵمانیا ئاڵای پەیەدە، یەپەگە، یەپەژە، پژاک و ناڤ-دەمی لەو وڵاتە قەدەغە ڕاگەیاند.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin