Smiley face
Smiley face
Smiley face

پەرلەمانتارێکی هەدەپە خۆی زنجیرکرد

2017-08-17 15:05:20



ڕۆژنیوز - ناوەندی هەواڵەکان

 

پەرلەمانتارێکی شاری ئێلیحی پارتی دیموکراتی گەلان- هەدەپە، لەبەردەم ئاسەوارە مێژووییەکانی حەسکیف خۆی زنجیرکرد، بە مەبەستی ناڕەزایی پیشاندان لە بەرامبەر ڕووخاندن و خراپکردنی ئەو ئاسەوارانەوە لەلایەن دەوڵەتی تورکەوە.

 

محەمەد عەلی ئەسڵان، پەرلەمانتاری ئێلیحی هەدەپە ئەمڕۆ چووە حەسکیف و خۆی زنجیرکرد، بۆ ئەوەی ناڕەزایی پیشان بدات بەرامبەر بە دینامیتڕێژکردن و تەقاندنەوەی ئاسەوارە مێژووەکانی حەسکیف لەلایەن دەوڵەتی تورکەوە بۆ دروستکردنی بەنداو.

 

ئەسڵان لە بارەی ئەو چالاکییەیەوە ڕایگەیاند:"بەرپرسان زانیاریی مێژووییان نییە، دینامیتڕێژکردنی ئاسەوارە مێژووییەکانی حەسکیف وەکو چەقۆیەک لە دڵماندا چەقیوە، هەر تەقینەوەیەک لێرە ڕووبدات دەبێت لە پێش دا ئەو چەقۆیە دڵی ئێمە ببڕێت".

 

ئەسڵان وتیشی، کە تەقاندنەوەی ئاسەوارێکی مێژوویی وەکو حەسکیف لە هیچ عەقڵییەتێکدا جێگای نابێتەوە.

 

ئەو پەرلەمانتارەی هەدەپە ڕاشیگەیاند، کە وەکو پەرلەمانتار و بە نوێنەرایەتی هەدەپەوە ئەو چالاکییە ئەنجام نادات، بەڵکو وەکو عاشق و پارێزەرێکی حەسکیف هەستاوە بە زنجیرکردنی خۆی لە شوێنێک کە دەوڵەتی تورک دەیەتەوێت بیتەقێنێتەوە.

 

چالاکییەکەی محەمەد عەلی ئەسڵان لە کاتی ئامادەکردنی ئەم هەواڵەدا بەردەوامە.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin