Smiley face
Smiley face
Smiley face

دەستەی بەڕێوەبەرایەتی فیدرالی سوریا خاڵی چوارەمی یاسای هەڵبژاردنی پەسەندکرد

2017-08-17 14:57:17



ڕۆژنیوز - ناوەندی هەواڵەکان

 

دەستەی بەڕێوەبەرایەتی فیدرالی باکوری سوریا، لە کۆبوونەوەی ئەمڕۆیدا خاڵی چوارەمی یاسای هەڵبژاردنی پەسەندکردو ٣٠٠ کورسیی وەک ژمارەی کورسییەکانی سێ هەرێمەکەی باکوری سوریا دیاریکرد.

 

لە کۆبوونەوەی ئەمڕۆی دەستەی بەڕێوەبرایەتی سیستمی فیدرالی دیموکراتی باکوری سوریادا، کە لەشاری قامیشلو بەڕێوەچوو، ژمارەی کورسییەکان بۆ هەر سێ هەرێمەکە دیاریکرا و بڕیاریش درا، کە ڕێژەی کورسیی هەر هەرێمێک بەپێی ژمارەی دانیشتوانی هەرێمەکە دیاری بکرێت.

 

لە کۆبوونەوەکەدا فۆزا یوسف و سەنهەریب بەرسوم، هاوسەرۆکانی دەستەی بەڕێوەبەرایەتی فیدرالی دیموکراتی باکوری سوریا، هەروەها نوێنەرانی کۆمیساری باڵای هەڵبژاردنی هەر سێ هەرێمەکە ئامادە بوون.

 

فۆزا یوسف سەرەتا خاڵی چواری یاسای هەڵبژاردنی خوێندەوەو پاشان پێشنیارەکانی ئەنجومەنی یاسادانەر بۆ جێبەجێکردنی ئەو خاڵە خوێندرایەوە.

 

لە بەردەوامی کۆبوونەوەکەدا ژمارەی کورسییەکانی هەر سێ هەرێمەکە ٣٠٠ کورسی دیاریکرا و پاشان بڕیاردرا، کە ڕێژەی کورسییەکانی هەر هەرێمێک بەپێی ژمارەی دانیشتووانی ئەو هەرێمە دیاری بکرێت و دووابەدووای ئەو خاڵی چواری یاسای هەڵبژاردن پەسەندکرا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin