Smiley face
Smiley face
Smiley face

یەپەسە لە وان ئەنجامی زنجیرە چالاکییەک ڕادەگەیەنێت

2017-08-16 15:32:26



رۆژنیوز - ناوەندی هەواڵەکان

 

ناوەندی ڕاگەیاندنی یەکینەکانی پاراستنی سڤیل- یەپەسە، ڕایگەیاند، کە یەکینەکانی لە وان زنجیرە چالاکییەکیان بە ناوی شەهید دەمهات فەراشین، دژی سوپای تورک و سیخوڕەکانی ئەنجام داوە.

 

ناوەندی ڕاگەیاندنی یەپەسە ئەمڕۆ بڵاوکردنەوەی ڕاگەیەندراوێک لە سەر ماڵپەڕی فەرمیی، زانیاریی سەبارەت بە زنجیرەی چالاکییەی یەکیینەکانی لە وان بڵاوکردەوە.

 

یەپەسە ڕایگەیاند: ڕۆژی ٨ی ئاب لە گەڕەکی خاچۆرتی شاری وان یەکینەیەکمان لە کاتێکدا کە زرێپۆشێکی سوپای تورک تێپەڕدەبوو چالاکیان دژی ئەنجامدا، ژمارەی کوژراو بریندارەکانی دوژمن لە ئەنجامی ئەو چالاکییەدا نەزانراوە.

 

هەرروەها یەپەسە ڕایگەیاند، کە کەسێک بەناوی تانەر ئونال کە پێشتر سیخوڕی حکومەتی تورک بووە لەلایەن یەکینەیەکمانەوە هۆشیارکرایەوە، ئەو کەسە گوێ نەداوەتێ و بەردەوام بووە لە کاری سیخوڕیدا، هەر بۆیەش ڕۆژی ٥ی مانگ کاتژمێر ٠٧:٣٠ خولەکی سەرلەبەیانی لەلایەن هێزەکانمانەوە سزادراوە.

 

لە بەشێکی دیکەدا یەپەسە ڕایگەیاندووە: ئەو یەکینەیەمان لە وان کەسێکی دیکەیان بەناوی عومەر ئاڵتای سزاداوە، کە دەستیی هەبووە لە شەهیدکردنی یەکێک لە هەڤاڵانماندا.

 

لە کۆتاییدا یەپەسە ڕایگەیاندووە، کە ئەو زنجیرە چالاکییەی یەکینەکانمان لە وان بە ناوی شەهید دەمهات فەراشین ئەنجامدراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin