Smiley face
Smiley face
Smiley face

هەدەپە: فشارەکانی پارتی بۆسەر هاوڵاتیانی باکور لە هەولێر زیادیان کردووە

2017-08-16 14:55:05



ڕۆژنیوز - شۆڕش بەنەک

 

نوێنەرایەتی پارتی دیموکراتی گەلان- هەدەپە، لە باشوری کوردستان، لە کۆنگرەیەکی ڕۆژنامەنووسیدا فشارەکانی ئاسایشی پارتی بۆسەر هاوڵاتیانی کوردی خەڵکی باکوری کوردستان و نیشتەجێی شاری هەولێر خستە ڕوو.

 

ئەمڕۆ لە هەولێر نوێنەرایەتی هەدەپە لە باشوری کوردستان، دەربارەی فشارەکانی پارتی ڕۆژنامەنووسیدا ڕاگەیەندراوێکی بڵاوکردەوە.

 

موزەیەن گونەش، هاوسەرۆکئ نوێنەرایەتی هەدەپە لە باشوری کوردستان لە کۆنگرە ڕۆژنامەنووسییەکەدا ڕایگەیاند:"هەفتەیەک پێش ئێستا ئاسایشی هەولێر، ئەحمەد باربارۆسی بانگهێشت کردووە، کە هاوڵاتییەکی باکوری کوردستانەو لە هەولێر نیشتەجێییە، لەوێ پێیان وتووە نابێت چیدی سەردانی ناوەندی هەدەپە بکەیت لە هەولێر و نابێت بەشداری هیچ چالاکییەکی هەدەپە بیت، پێشیان وتووە، ئەگەر بەشداری هەر جۆرە چالاکییەکی سیاسی بێت ڕادەستی دەوڵەتی تورکی دەکەنەوە، دواتریش ئاسایشی هەولێر ماوەی مانگێکیان بۆ ئەحمەد باربارۆس دیاریکردووە، کە هەولێر چۆڵ بکات".

 

موزەیەن گونەش پاشان باسی دۆخی حەجی ئۆزەنی کردو وتی:"حەجی ئۆزەن ماوەی شەش مانگ پێش ئێستا لە هەولێر لەلایەن ئاسایشی پارتییەوە دەستگیرکرابوو، سەرەڕای هەموو سەردانەکانی خێزانەکەی و بەدوواداچوونەکانی ئەندامانی هەدەپە ئاسایشی هەولێر ڕەتیکردەوە کە لەلای ئەوان بێت، سەرئەنجام ماوەی هەفتەیەک پێش ئێستا ئاشکرابوو کە لەلایە ئاسایشی هەولێرەوە دەستگیرکرابووە و ئاسایش بردویانەتە سەر سنوورەکانی سۆران کە دەکەوێتە سەر سنوورە دەستکردەکانی نێوان باشور و باکوری کوردستان، بۆ ئەوەی ڕادەستی تورکیای بکەنەوە، بەڵام حەجی ئۆزەن توانی لە گوندێکی نزیک باکوری کوردستان خۆی ڕزگاربکات لە دەستیان و خۆی بگەیەنێتە شوێنێکی پارێزراو".

 

جێگای ئاماژەیە، کە لە ماوەی پێنج مانگی ڕابردوودا ئاسایشی پارتی لە هەولێر دەیان هاوڵاتی باکوری کورستانی بانگهێشت کرذووەو هەڕەشەی دەرکردنی لێکردوون لە هەولێر، ژمارەیەک لەو هاوڵاتیانە لە ترسی ئەوەی پارتی ڕادەستی تورکیایان بکاتەوە چونەتە ڕۆژئاوای کوردستان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin