Smiley face
Smiley face
Smiley face

هاوڵاتیانی بناری قەندیل داوای ڕاگرتنی بۆردوومانەکانی تورکیا دەکەن

2017-08-12 14:39:51



ڕۆژنیوز – محەمەد و تاهیر

 

ژمارەیەک لە هاوڵاتیانی بناری قەندیل داوای ڕاگرتنی بۆدروومانەکانی بناری قەندیل دەکەن و هاوڵاتییەک-یش دەڵێت: لەبەر ئەوەی بە کوردیی قسە دەکەین و بە تورکی قسە ناکەین بۆردوومانمان دەکەن.

 

ئەمڕۆ فڕۆکە جەنگییەکانی دەوڵەتی تورک گوندی ئەنزێ و باوێوان-ی بناری قەندیل-یان بۆردوومان کرد و زیانێکی زۆریان بە ژینگەی ناوچەکە گەیاند.

 

عەبدوڵا حەسەن، هاوڵاتی گوندی ئەنزێ، بە ڕۆژنیوزی وت: ئەمڕۆ من خەریکیی مێش هەنگەکانم بووم، فڕۆکە هات و لە تەنگی کونەگورگی دا، ئاگری لە ناوچەکە بەردا.

 

عەبدوڵا حەسەن

 

عەبدوڵا حەسەن، وتیشی: ناوچەکە هاوڵاتی تێدایە، منداڵی ساوای تێدایە، شوانی تێدایە، مەڕوماڵاتی تێدایە، داری تێدایە تەمەنی ١٠٠ ساڵە، ئەگەر ئەو دارە بسوتێت دەبێت ١٠٠ ساڵی دیکە چاوەڕێبین، هەتا ئەو دارە دروست دەبێتەوە، داری تێدایە نزیکەی ١٣ بۆ ١٤ جۆر بەر دەگرێت، بۆچی دەبێت بسوتێت، تەنیا لەبەر ئەوەی بەکوردیی قسەدەکەین و بە تورکی و ئینگلیزی و فەرەنسی و ڕوسی قسەناکەین؟

 

ئەو هاوڵاتییە، داواشی لەو ڕێکخراوەنە نێودەوڵەتییانە کرد، کە قسەیان بە هەند وەردەگیرێت، عێراق و نەتەوە یەکگرتووەکان لە ڕەوشی ئەم میلـلەتە ئاگاداربکەنەوە.

 

هەروەها، موسلیم مەحمود، گەنجێکی گوندی باوێوان-ی بناری قەندیلە و بە ڕۆژنیوزی وت: ئێمە چەندین ساڵە لەژێر هەڕەشەی فڕۆکە جەنگییەکانی دەوڵەتی تورک-داین، زۆر جار هیچ هەڤاڵێکی پەکەکە لەم ناوچانەدا نییە، تەنیا زیان بە گوندنشینان و ژینگەی ناوچەکە دەگەیەنێت.

 

موسلیم مەحمود


موسلیم، وتیشی:"ئێرە ناوچەیەکی گەورەی کشتوکاڵییە بۆ دانیشتوانی ڕانیە و سلێمانی و دەوروبەری، بۆیە داوا لە حکومەتی هەرێم دەکەم، کە هەوڵی ڕاگرتنی ئەم بۆردوومانانە بدات و خەڵک لە ترس و تۆقاندن ڕزگار بکات".

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin