Smiley face
Smiley face
Smiley face

لە چوار شاری باکوری کوردستان و تورکیا دەیان کەس دەستگیرکران

2017-08-12 14:30:42



ڕۆژنیوز - ناوەندی هەواڵەکان

 

هێزەکانی پۆلیسی تورک لە چوار شاری ئەدەنە، مەرسین، چەولیک و ئانتالیا  دەیان هاوڵاتیان دەستگیرکرد.

 

ئۆپەراسیۆنی قڕکردنی سیاسیی حکومەتی ئاکەپە دژی ئیرادەی گەلانی تورکیا و باکوری کوردستان بەردەوامە، دوێنێ و ئەمڕۆ هێزەکانی پۆلیسی تورک هەڵیانکوتایە سەر ماڵی هاوڵاتیان لە چوار شاری ئەدەنە، ئانتالیا، مەرسین و چەولیک و دەیان چالاکوانیان دەستگیرکرد.

 

لە شاری ئەدەنە هێزەکانی پۆلیسی تورک هەڵیانکوتایە سەر ماڵی هاوڵاتیان و ٢٠ گەنجیان دەستگیرکرد، سەبارەت بە هۆکاری دەستگیرکردنی ئەو هاوڵاتیانە هێشتا هیچ ڕانەگەیەندراوە.

 

لە شاری مەرسینیش دوێنێ دەیان هاوڵاتی و هاوسەرۆک و بەڕێوەبەرانی هەدەپەی شارەکە دەستگیرکران، هاتیجە شاهین و میراز سۆیلەمەز لە بەڕێوەبەرانی هەدەپەی شارەکە لەناو دەستگیرکراواندان، کە دواترڕەوانەی بەڕێوەبەرایەتی ئاسایشی مەرسین کران.

 

ئێوارەی دوێنێش لە شاری ئانتالیا ئۆپەراسیۆنی قڕکردنی سیاسی ئەنجامدرا و ٢٤ کەس دەستگیرکران.

 

هەروەها لە شاری چەولیکیش دژی ئەندامانی دەبەپە ئۆپەراسیۆنی قڕکردنی سیاسی ئەنجامدرا و چەندین کەس دەستگیرکران.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin