Smiley face
Smiley face
Smiley face

چەتەکانی سەربە تورکیا دەستدرێژیی سێکسییان کردە سەر ژنێکی دووگیان

2017-08-10 11:01:59



ڕۆژنیوز - ناوەندی هەواڵەکان

 

چەتەکانی سلێمان شا، کە سەربە سوپای تورکن دەستدرێژیی سێکسییان کردە سەر ژنێکی دووگیان لە شاری بابی باکوری سوریا، لە ئەنجامی ئەو تاوانەدا منداڵی ژنەکە لەبارچووە و دۆخی دەروونی و جەستەیی ئەو ژنە تێکچووە.

 

بەپێی هەواڵێکی ئاژانسی هەواڵی هاوار(ئانها)، ماوەیەک پێش ئێستا چەتەکانی سلێمان شا، کە سەربە سوپای تورک دەستدرێژیی سێکسییان کردووەتە سەر ژنێکی دووگیان.

 

برای هاوسەری ژنەکە، کە نەیویستووە ناوەکەی ئاشکرا بکرێت، بە هاواری ڕاگەیاندووە:"چوار مانگ پێش ئێستا چەتەکانی سلێمان شا هەڵیانکوتایە سەر ماڵی براکەم لە باب و بێ ئەوەی هۆکارەکەی بڵێن براکەمیان برد، پاشان مەرجیان دانا، کە ئەگەر دەتانەوێت ئازدی بکەین دەبێت هاوسەرەکەیمان بدەنێ، خێزانەکەی دژایەتیی ئەو پێشنیارەیان کرد و قبوڵیان نەکرد، چەتەکان پاشان داوای ٥٠٠ هەزار لیرەی سورییان لێکردن".

 

ئەو هاوڵاتییە، وتوشیەتی، کە بۆ دابینکردنی ئەو برە پارەیە کەلوپەلی ناوماڵەکەیان فرۆشتووە و لەبارەی براکەشیەوە، وتویەتی:"کاتێک براکەمانیان گەڕاندەوە، ە بۆ ماوەی ٢٠ ڕۆژ لە ماڵەوە مایەوە، چونکە ئەشکەنجەدرابوو و پێویستی بە پشوودان هەبوو".

 

هەروەها وتویەتی:"پاش ماوەیەکی کورت هەر ئەو چەتانە هاوسەری براکەمیان ڕفاند و لە کاتێکدا کە دووگیان بوو دەستدرێژیی سێکسیان کردە سەر، ئەو ژنە منداڵەکەی لەبار چووە و ئێستاش دۆخی تەندروستیی دەروونی و جەستەیی زۆر ناجێگیرە".

 


ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin