Smiley face
Smiley face
Smiley face

هەوادارانی گۆڕان ماڵئاواییان لە تەرمی رێکخەری گشتی بزووتنەوەکەیان کرد .. بە وێنە

2017-05-19 15:52:22



رۆژنیوز - سلێمانی

 

دوای ڕاگەیاندنی هەواڵی کۆچی دوایی نەوشیروان مستەفا رێکخەری گشتی بزووتنەوەی گۆڕان لەلایەن میدیای فەرمی گۆڕانەوە، هەوادارانی گۆڕان دەستە دەستە ڕوویان کردە گردی زەرگەتە کە مەکۆی سەرەکی بزووتنەوەی گۆڕان و هاوکات ماڵی رێکخەری گشتی بزووتنەوەکەش لە هەمان شوێنە.

 

سەرلەبەیانی ئەمڕۆ، لە شاشەیەکی تەواو رەشدا، لەلایەن وتەبێژی بزووتنەوەی گۆڕانەوە، هەواڵی کۆچی دوایی نەوشیروان مستەفای رێکخەری گشتی بزووتنەوەکە راگەیاندرا و هاوکات دوپات کرایەوە کە بەردەوام دەبن لەسەر رێبازەکەی.

 

راگەیاندنی ئەو هەواڵە هەوادران و لایەنگر و جەماوەری بزووتنەوەکەی تووشی شۆک کرد، هەربۆیە بە دڵتەنگی و چاوی پڕفرمێسکەوە ڕوویان کردە گردی زەرگەتە بۆ ئەوەی بتوانن لە مەراسیمی ناشتن و بەخاکسپاردنی سەرکردەکەیان بەشدار ببن.

 

دوای ئەوەی بریار درا لە گردی نابراو بەخاک بسپێردێت، تەرمەکەی لەڕێگەی ئەمبۆڵانسێکەوە گوازرایەوە بۆ نەخۆشخانەی فاروق، بۆ ئەوەی لەوێدا بهێڵدرێتەوە بۆ سبەینێ و لە مەراسیمێکی شایستەدا بەخاک بسپێدرێت.

 

لە کاتی هێنانە دەرەوەی تەرمی نەوشیروان مستەفا لە ماڵەکەیدا، سەدان کەس لەبەر دەرگاری ماڵەکەی لە چاوەروانیدا بوون، کاتێکیش هێنرایە دەرەوە لەبەردەم ماڵەکەیدا بە رێپێوان ماڵئاوایی لێکرا و هەوادارانی بزووتنەوەکە بە بەرزکردنەوەی دەستیان بۆ ماڵئاوایی هەستی خۆیان دەربڕێ، بەشێکیشان بە نیشاندنی نیشانە سەرکەوتن دەستیان بەرزر کردبوەوە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin