Smiley face
Smiley face
Smiley face

یەکێتی ڕاگەیاندنی دیموکراتی لێدوانێکی لەسەر ڕۆژی ڕۆژنامەگەری کوردی بڵاوکردەوە

2017-04-21 17:00:08



ڕۆژنیوز - ناوەندی هەواڵەکان


یەکێتی ڕاگەیاندنی دیموکراتی (یەرەدە) سەبارەت بە ڕۆژی ٢٢ی نیسان، ڕۆژی رۆژنامەگەری کوردی ڕاگەیەندراوێکی بڵاوکردەوە.


یەکێتی ڕاگەیاندنی دیموکراتی لەگەڵ پیرۆزکردنی ڕۆژی رۆژنامەگەری کوردی باسی لە فشارەکان بۆسەر ڕاگەیاندنی کوردیش کردووە.


لە ڕاگەیەندراوەکەدا هاتووە:"ئێمە ڕۆژی ٢٢ی نیسان لە ڕۆژنامەنووسانی کورد و ڕاگەیاندنکاران پیرۆزدەکەین و بۆ ئەوەی ببینە دەنگی ڕاستی تاوەکو کۆتایی بەرخۆدان دەکەین، ڕۆژی ٢٢ی نیسانی ساڵی ١٩٩٨ بڵاوکردنەوەی ڕۆژنامەی کورستان دەستیپێکرد و ئەو ڕۆژە وەکو ڕۆژی ڕۆژنامەگەری کوردی ناونراوە".


لە ڕاگەیەندراوەکەی یەرەدە هەروەها هاتووە:"ڕاگەیاندنی کوردی لە سەرەتاوە بە سەختی دەستی بەکارکردووە و دواتریش هەموو هەوڵ و تێکۆشانی بۆ سەربەخۆبوون بووە، ڕاگەیاندنی کوردی هەمیشە بۆ وڵاتێکی ئازاد و ژیانێکی ئازاد کاری کردووە و بەردەوام بانگەوازی کۆمەڵگای کردووە، کە ئازاد بژین و ببنە دەنگی ڕاستی".


لە درێژەی ڕاگەیەندراوەکەدا هاتووە:"لە مێژوودا ڕاگەیەندنی کوردی هەمیشە لەسەر ئازادی کۆمەڵگا وەستاوە و دەنگی ڕەخنەگری بەرزکردووەتەوە، ڕاگەیاندنی کوردی هەمیشە هەوڵیداوە ئیرادەی ئازاد زیندووبکاتەوە و ڕاستییەکان بگوازێتەوە".


یەرەدە لە درێژەدا باسی لە فشارەکان بۆ سەر ڕاگەیاندنی کوردی کردووە و ڕایگەیاندووە:"هەر ڕاگەیەندنکارێکی ئازاد دەنگی کوردێکی ئازادە، ڕۆژنامەنووسان کە لەلایەن باڵادەستانەوە بە ئامانج دەگیرێن، بەدرێژایی ١١٩ساڵە کە بەرخۆدان دەکەن و بەردەوامیش دەبن لە بەرخۆدانەکەیاندا".


یەکێتی ڕاگەیاندنی دیموکراتی بەم شێوەیە کۆتایی بە ڕاگەیەندراوەکەی هێناوە:"لە مەزلوم دۆغانەوە تاوەکو مەزڵوم ئەرەنجی، لە غوربەتعەلی ئەرسۆزەوە تاوەکو دەنیز، شیلان، ئاپێ، موسا، ڕۆهات ئاکتاش، ئەڤیندار جودی و نوژیان تێکۆشانی ڕۆژنامەنووسان بەردەوامە و ڕۆژ لەدوای ڕۆژیش زیاتر دەکات، ڕۆژی ڕاگەیاندنی کوردی لە هەموو ڕاگەیەندنکارانی ئازاد پیرۆزدەکەین".


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin